بۇگىن جامبىل وبلىسىنىڭ اكىمى نۇرجان نۇرجىگىتوۆ وتباسىمەن بىرگە تاراز قالاسىنداعى №53 مەكتەپتە ورنالاسقان №50 سايلاۋ ۋچاسكەسىنە بارىپ, جالپىحالىقتىق رەفەرەندۋمعا داۋىس بەردى. جالپى وبلىس بويىنشا بارلىعى 492 سايلاۋ ۋچاسكەسى قۇرىلىپ, قازىرگى كەزدە كەستەگە سايكەس جۇمىس اتقارۋدا, دەپ حابارلايدى Egemen.kz.
№50 سايلاۋ ۋچاسكەسىنىڭ سايلاۋشىلار تىزىمىندە 2779 سايلاۋشى تىركەلگەن. ونىڭ ىشىندە 9 مۇمكىندىگى شەكتەۋلى ازامات, 5 كوزى ناشار كورەتىندەر, 3 ەستۋ قابىلەتى ناشار جانە 1 تىرەك-قيمىل اپپاراتى بۇزىلعان ازاماتتار بار.
رەفەرەندۋم كوميسسياسىنىڭ ءتورايىمى ەلميرا قويلىباەۆانىڭ ايتۋىنشا, اتالعان ازاماتتارعا داۋىس بەرۋ ءۇشىن ارنايى مۇمكىندىكتەر قاراستىرىلعان.
«قازىرگى تاڭدا 5 ازامات ۇيدەن داۋىس بەرۋگە ءوتىنىش بەردى. سوعىس ارداگەرى ءمۇتالىپ ەرەجەپباەۆ پەن 4 ەڭبەك ارداگەرى سايلاۋشىلار تىزىمىنە تىركەلگەن. سايلاۋشىلار تاڭەرتەڭنەن باستاپ سايلاۋعا بەلسەنە اتسالىسۋدا», دەيدى ەلميرا قويلىباەۆا.