بۇگىن ورتالىق سايلاۋ كوميسسياسىنىڭ وتىرىسىندا سايلاۋ ۋچاسكەلەرىنىڭ رەفەرەندۋمعا دايىندىعى تۋرالى ەسەپ بەرىلدى, دەپ حابارلايدى Egemen.kz.
«ارىپتەستەرىمىزدىڭ اقپاراتىنا سايكەس, ۋچاسكەلىك كوميسسيالار داۋىس بەرۋ كۇنىنە دايىن. بيۋللەتەندەر ۋچاسكەلەرگە جەتكىزىلدى جانە ولاردىڭ قاۋىپسىزدىگى قامتاماسىز ەتىلدى», دەپ اتاپ ءوتتى وسك توراعاسى نۇرلان ءابدىروۆ.
سونىمەن قاتار ۆەدومستۆو باسشىسى اتاپ وتكەندەي, ازاماتتار ەسەپتەن شىعارۋ كۋالىگىن الىپ, باسقا داۋىس بەرۋ ۋچاسكەلەرىنە ءالى دە تىركەلىپ جاتىر.
ء«اربىر ءوڭىردىڭ, وبلىستىڭ ءوز دەرەگى بار. دەگەنمەن, ەرتەڭ كەشكى ساعات 18.00-گە دەيىن كۋالىك الۋعا بولادى. وسى رەفەرەندۋمعا داۋىس بەرۋ قۇقىعى بار ازاماتتارىمىز داۋىس بەرۋ ءۇشىن ۋچاسكەلەرگە جۇگىنىپ, ەسەپتەن شىعارۋ كۋالىگىن الىپ, وزدەرىنە ىڭعايلى ۋچاسكەدە داۋىس بەرە الادى. ورتالىق رەفەرەندۋم كوميسسياسى, ەلىمىزدىڭ بارلىق وكىلەتتى ورگاندارى رەفەرەندۋم جايىندا اقپاراتتاندىرۋ ءۇشىن ءبارىن جاسادى. سونىمەن قاتار ەلەكتروندى جۇيەنى پايدالانىپ, تىزىمنەن ءوزىن تەكسەرۋ مۇمكىندىگىن بەردى», دەدى وسك توراعاسى.