قىتايدىڭ وڭتۇستىك-باتىسىنداعى يۋننان پوۆينتسياسىندا ورنالاسقان كومىر شاحتاسىندا گاز جارىلىپ, 13 ادام قازا بولدى. بۇل تۋرالى يتار-تاسس حابارلادى.
«سينحۋا» اگەنتتىگىنىڭ اقپارى بويىنشا, 56 ادام جۇمىس ىستەيتىن «حۋنتۋتيان» شاحتاسىندا جەكسەنبىدەن دۇيسەنبىگە قاراعان ءتۇنى جارىلىس بولعان. قۇتقارۋشىلار قيراعان شاحتانىڭ ىشىنەن 42 كەنشىنى امان الىپ شىقتى. تاعى 14 جۇمىسشى قيراندىلار استىندا قالىپ قويعان. وقيعا ورنىندا قۇتقارۋ جۇمىستارى جالعاسۋدا, سەبەبى, ءبىر كەنشىنىڭ دەنەسى ازىرگە تابىلماي وتىر.
قىتايداعى تاۋ-كەن ءوندىرىسى الەم بويىنشا ەڭ قاۋىپتى سانالادى. جىل سايىن مۇنداعى كەن ورىندارىندا مىڭداعان ادام قازا بولۋدا. كوبىنەسە, اپاتتاردىڭ ورىن الۋىنا قاۋىپسىزدىك تەحنيكاسىنىڭ ساقتالماۋى سەبەپ تۋعىزادى ەكەن.
ايدار ورىسباەۆ.
دەرەككوز: Itar-tass.com.
فوتو: Gazeta.ru.