بۇگىن, 20 ءساۋىر كۇنى استانا قالاسىنىڭ ىرگەسىندەگى «بالقاراعاي» دەمالىس ورتالىعىندا قر ۇلتتىق سپورت تۇرلەرى قاۋىمداستىعىنىڭ ۇيىمداستىرۋىمەن «ناۋرىز - ۇلت قۇندىلىقتارىنىڭ باستاۋى» اتتى مەرەكەلىك ءىس-شارا بولدى. بۇل تۋرالى egemen.kz ءتىلشىسى حابارلادى.
شارا اياسىندا «ۇلتتىق ات سپورتى ويىندارىنىڭ تەوريالىق جانە مەتوديكالىق ءمانى» تاقىرىبىندا سەمينار-كەڭەس تە وتكىزىلدى. وندا تاريح عىلىمدارىنىڭ دوكتورى ەلەمەس ءالىمحان ء(ال-فارابي ات.قازۇۋ), ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ پروفەسسورى احمەت توقتىباي («ۇلتتىق سپورت ويىندارىنىڭ شىعۋ تاريحى»), «بوتاي» قورىعىنىڭ اۆتورى ۆيكتور زايبەرت («ارحەولوگيالىق قازبالارداعى ات سپورتىنىڭ كونە تاريحى»), «قازاق تۇلپارى» جشس ديرەكتورى ءنابيدوللا كيكەباەۆ («ۇلتتىق سپورتقا قاجەتتى ءوز تۇلپارلارىمىزدىڭ تۇقىمىن شىعارۋ جولدارى») بايانداما جاسادى.
مەرەكەدە ۇلتتىق سپورت تۇرلەرىنىڭ كورسەتىلىمى مەن ۇلتتىق ونىمدەرگە ارنالعان تاقىرىپتىق كورمە ۇيىمداستىرىلدى. وندا قازاقتىڭ قولونەرى, ۇلتتىق تاعام تۇرلەرى, بەس قارۋ, ات ابزەلدەرى, ساياتشىلىق قۇرال-جابدىقتارى, زەرگەرلىك, تۇرمىستىق بۇيىمدار, فوتوكورمە ۇسىنىلدى.
شارا بارىسىندا جينالعان جۇرتشىلىق ءۇشىن سونداي-اق مەرەكەلىك كونتسەرت قويىلىپ, «اۋدارىسپاق», «كوكپار», «تەڭگە ءىلۋ», «جامبى اتۋ» سەكىلدى ۇلتتىق سپورت ويىندار تۇرلەرى كورسەتىلدى.
سەرىكقازى كاكىبالانوۆ.
دەرەككوز: egemen.kz.
فوتو, ۆيدەو: egemen.kz.