قازىر عانا اقش استاناسى – ۆاشينگتون قالاسىنداعى DC Armory سپورت كەشەنىندە جارتىلاي اۋىر سالماقتاعى (79,38 كگ) IBF ۆەرسياسى بويىنشا الەم چەمپيونى, امەريكالىق بەرنارد حوپكينس پەن WBA نۇسقاسىنىڭ سۋپەرچەمپيونى قازاقستاندىق بەيبىت شۇمەنوۆ اراسىنداعى ۇرىس اياقتالدى. وندا جوعارىداعى ەكى اتاق بىردەي ساراپقا سالىندى. بۇل تۋرالى egemen.kz ءتىلشىسى حابارلادى.
رينگتەگى لاقاپ اپاتى «جەندەت» («پالاچ») بولىپ تابىلاnىن 49 جاستاعى بەرنارد حوپكينس شايقاس الدىندا ءوزىنىڭ جەڭىسكە جەتەتىنىن الدەنەشە مارتە ءمالىم ەتكەن. ودان ءبىزدىڭ بەيبىت تە قالىسقان جوق. سونىمەن, ءبىر-بىرلەرىن سوزبەن قاعىستىرعان ەكى تارلان اقىرى شارشى الاڭنىڭ ۇستىندە كەزدەستى.
شايقاستىڭ العاشقى ءۇش راۋندى بەيبىتتىڭ ازداعان باسىمدىعىمەن ءوتتى. بىراق سودان باستاپ ءوزىنىڭ سۇيىكتى تاكتيكاسىن سۇيەنگەن بەرنارد ارتىقشىلىق الا باستادى. ول قالعان ارۋندتىڭ بارىندە دە ۇپاي سانىمەن الدا ءجۇردى. ال 11-راۋندتا بەيبىت ونىڭ قاتتى سوققىسىنا ءتۇسىپ قالىپ, نوكداۋنعا ۇرىندى. سوڭعى راۋندتا حوپكينستىڭ باسىم ەكەنىنە ەشبىر كۇمان قالعان جوق.
ناتيجەسىندە تورەشىلەر 2:1 ەسەبىمەن جەڭىسn3 بەرنارد حوپكينسكە بەرىلدى. وسىلايشا امەريكالىق بوكسشى -p3yt تۋرا 49 جاس, 3 اي جانە 4 كۇنگە تولعان شاقتا ەڭ جاسى ۇلكەن چەمپيون رەتىندەگى ءوزىنىڭ رەكوردىنا تاعى وزگەرىس ەنگىزدى.
ەسكە سالا كەتەيىك, امەريكالىق اتلەت ءوزىنىڭ الەمدىك رەكوردىنا 2011 جىلى 46 جاس 126 كۇندىك كورسەتكىشىمەن جەتكەن ەدى. سوندا ول فرانتسۋز جان پاسكالدى ۇتىپ, بۇكىلالەمدىك بوكس سەرياسىنىڭ (WBC) ۇزدىگى اتانىپ, 45 جاسىندا چەمپيون بولعان دجوردج فورمەننىڭ رەكوردىن جاڭارتقان ەدى. ال 2012 جىلعى ساۋىردە حوپكينس وتانداسى چەد دوۋسوننان ۇپاي سانىمەن ۇتىلىپ, جوعارىداعى اتاعىنان ايرىلىپ قالعان. بىراق ارادا 9 اي وتكەندە بەرنارد امەريكالىق تەيۆوريس كلاۋدتى تىزە بۇكتىرىپ, 48 جاستان 1 اي 22 كۇن اسقانىندا IBF ۆەرسياسىنىڭ چەمپيونى بولعان. ال وتكەن جىلعى 26 قازاندا تەگى جاپون گەرمانيالىق بوكسشى كارو مۋراتانى جەڭىپ, ءوزىنىڭ الەمدىك رەكوردىن 48 جاس, 9 اي جانە 12 كۇنگە ۇلعايتتى.
وسى كەزگە دەيىن ول رينگكە 64 رەت شىقسا, سونىڭ 54-ىندە جەڭىپتى, بۇلاردىڭ 32-ءسىن نوكاۋتپەن اياقتاپتى. بۇدان باسقا, 6 جەڭىلىسى جانە 2 تەڭ ۇرىسى بار.
دامير قوجامقۇل.
دەرەككوز: egemen.kz.
فوتو: يتار-تاسس.