بۇدان بۇرىن حابارلانعانىنداي, 19 ءساۋىر كۇنى 17 ساعات 48 مينۋتتا اتىراۋ تەمىر جول بولىمشەسىنىڭ ساعىز-ماقات ۋچاسكەسىندە №41 «الماتى-اتىراۋ» باعىتىنداعى جولاۋشىلار پويىزى اپاتقا ۇشىراپ, 12 ۆاگون رەلستەن شىعىپ كەتكەن ەدى. بۇل تۋرالى «قازاقستان تەمىر جولى» ۇق» اق ءباسپاسوز قىزمەتى حابارلادى.
«وقيعا بولعان جەردە جولاۋشىلاردى ەۆاكۋاتسيا جاساۋ ءۇشىن اۆتوكولىكەر مەن قوسىمشا جولاۋشىلار ۆاگوندارى بەرىلدى», - دەلىنگەن حابارلامادا.
ساعات 22:00-دە 250 جولاۋشى ماقات كەنتىنە جەتكىزىلدى. قالعاندارى 24:00 ساعاتقا قاراي اكەلىندى.
اتىراۋ وبلىسى اكىمدىگىنىڭ جانە توتەنشە جاعدايلار مينيسترلىگىنىڭ ارالاسۋلارىمەن زارداپ شەككەندەرگە جاردەم جاسالدى. قۇرباندىقتار جوق.ي
قازىر ۇلتتىق تەمىر جول كومپانياسى اتالمىش جول ۋچاسكەسىندەگى جاعدايدى دۇرىستاپ, قوزعالىستىڭ قالپىنا كەلۋى جولىنداعى بارلىق جۇمىستاردى سول بويدا باستاپ كەتتى. سونىمەن قاتار «قازاقستان تەمىر جولى» ۇق» اق قۇرعان ارنايى كوميسسيا اپاتتىڭ ورىن الۋ سەبەبىن تەكسەرۋگە دە كىرىستى.
وقيعا ساعىز-ماقات ۋچاسكەسىنىڭ مۇقىر-جانتەرەك بولىگىندە ورىن العان. اپات بولعان كەزدە جولاۋشىلار پويىزىندا 495 ادام بولعان.
جولاۋشىلار پويىزدارىنىڭ كەشىگۋلەرىنە بايلانىستى بارلىق سۇراقتاردى استاناداعى مىنا تەلەفونعا حابارلاسۋ ارقىلى بىلۋگە بولادى: 8 7172 600 132.
اپاتتىڭ ورىن الۋىنا بايلانىستى قىلمىستىق ءىس قوزعالدى.
قۇرىش نۇرىمبەت.
دەرەككوز: «قازاقستان تەمىر جولى» ۇك» اق ءباسپاسوز قىزمەتى.