بۇگىن, 19 ءساۋىر كۇنى كەشكە الماتى-اتىراۋ باعىتىنداعى №41 جۇردەك پويىز ماقات ستانساسى ماڭىندا اپاتقا ۇشىراپ, وننان استام ۆاگون اۋدارىلىپ كەتكەن. بۇل تۋرالى 24KZ تەلەارناسى حابارلادى.
«جولاۋشىلاردىڭ جاي-كۇيى جونىندە ازىرگە ناقتى اقپارات جوق. تەك جاراقات العان اۋىر حالدەگى 1 ادام جەدەل جاردەم كولىگىمەن تاياۋ ەلدى مەكەندەگى ەمحاناعا جەتكىزىلگەنى انىق بولدى. قازىر جولدا قالعان جولاۋشىلار تىسقا شىعىپ, قۇزىرلى قىزمەت وكىلدەرىنەن كومەك كۇتۋدە», - دەلىنگەن حابارلامادا.
كۋا بولعان جولاۋشىلاردىڭ ايتۋلارىنشا, ساعات 20:00-گە تامان پويىزدىڭ سوستاۆى كەنەت جان-جاققا شايقالاقتاي باستاعان. سالدەن كەيىن ولار شاشىلىپ قۇلايدى. ازىرگە مۇنىڭ نەدەن بولعانى بەلگىسىز.
قۇرىش نۇرىمبەت.
دەرەككوز: 24KZ.
فوتو: vseverske.info.