شىعىس قازاقستان وبلىسىندا ورمان ورتىمەن كۇرەس جالعاسۋدا. قازىرگى تاڭدا ءورتتىڭ تارالۋى توقتاتىلدى, دەپ حابارلايدى Egemen.kz وڭىرلىك توتەنشە جاعدايلار دەپارتامەنتىنىڭ ءباسپاسوز قىزمەتىنە سىلتەمە جاساپ.
كەشە, 1 ماۋسىمدا «سەمەي ورمانى» موتر اۋماعىندا جاڭا-سەمەي فيليالى, پودگورودنەە ورمانشىلىعى ورمان جابىنى ايماعىندا (قاراعاي) ءورت شىقتى.
ءورتتى سوندىرۋگە وبلىستىق تج دەپارتامەنتىنىڭ, جەرگىلىكتى اتقارۋشى ورگانداردىڭ, اسكەري ءبولىمنىڭ ورمانشىلارى مەن كۇشتەرى جۇمىلدىرىلدى.
«قازىرگى ۋاقىتتا ورتپەن ارپالىس جالعاسۋدا. بارلىعى جەكە قۇرامنان 399 ادام جانە 85 بىرلىك تەحنيكا جۇمىس ىستەپ جاتىر. سەمەي قالاسىندا ءورت قاۋىپتىلىگىنىڭ 5 سىنىبى جاريالانعان», دەلىنگەن حابارلامادا.
بولجام بويىنشا ورتكە نايزاعاي سەبەپ بولعان. قازىر ءورت الاڭى انىقتالىپ جاتىر. جاعدايدى اۋەدەن باقىلاۋ ءۇشىن «قازاۆياورمانقورعاۋ» «مي-2» تىكۇشاعى تارتىلدى.
تجد اقپاراتىنشا, قازىر ءورتتىڭ تارالۋى توقتاتىلدى. ورمان ءىشى ايماعىندا جۇمىستار جۇرگىزىلۋدە.
ەسكە سالا كەتەيىك, كەشە سەمەي ماڭىنداعى قاراعايلى ورماننىڭ ورتەنىپ جاتقانىن حابارلاعان ەدىك.