قر پرەمەر-ءمينيسترى ءاليحان سمايىلوۆتىڭ توراعالىعىمەن ەل ەكونوميكاسىن دەمونوپوليزاتسيالاۋ جونىندەگى كوميسسيانىڭ كەزەكتى وتىرىسى ءوتتى, دەپ جازادى Egemen.kz.
وتىرىس اياسىندا كەدەن وداعىنىڭ تەحنيكالىق رەگلامەنتتەرىنە سايكەس كەلمەيتىن ءونىم شىعاراتىن جەكە مۇناي وڭدەۋ زاۋىتتارىنان ء(موز) سالىقتىق جەڭىلدىكتەردى الىپ تاستاۋ, بيزنەس سۋبەكتىلەرىنە ءموز-دەگى ينفراقۇرىلىم وبەكتىلەرىن قولجەتىمدى ەتۋ, ولاردا مۇناي ونىمدەرىن ساقتاۋدى رەگلامەنتتەۋ, سونداي-اق مۇناي ونىمدەرىن تيەۋ جانە تاسىمالداۋ قىزمەتتەرىنە تاريفتەردى تومەندەتۋ تۇرعىسىنان رەتتەۋ بويىنشا قر ەنەرگەتيكا مينيسترلىگى ازىرلەگەن ۇسىنىستار تالقىلاندى.
سونىمەن قاتار ءموز-دە قاۋىپسىزدىك جۇيەلەرىنە اۋديت جۇرگىزۋ, ءونىمدى ءوندىرۋدى, ساقتاۋدى, سىرتقا شىعارۋدى جانە باسقا دا تەحنولوگيالىق پروتسەستەردى باقىلاۋ, سونداي-اق ولاردىڭ اۋماعىندا سۇيىتىلعان مۇناي گازىن ساقتاۋ پاركتەرىن سالۋ جانە ولاردىڭ قىزمەتىمەن بايلانىستى ماسەلەلەر قارالدى.
سونداي-اق وتىرىسقا قاتىسۋشىلار «قازمۇنايگاز» ۇك» اق, «ۇلتتىق اقپاراتتىق تەحنولوگيالار» اق جانە ت. ب. قىزمەتىنە قاتىستى كەيبىر ماسەلەلەردى قارادى.
تالقىلاۋ قورىتىندىسى بويىنشا قر پرەمەر-ءمينيسترى كوميسسيانىڭ كەلەسى وتىرىسىندا شەشىم قابىلداۋ ءۇشىن بىرقاتار تاپسىرما بەردى.