وبلىستىق كاسىپكەرلىك جانە تۋريزم باسقارماسى باسشىسىنىڭ مالىمەتىنشە, الماتى وبلىسىنداعى «كوكسۋ قانت» زاۋىتىنىڭ باسشىلارىمەن كەلىسسوز جۇرگىزىلىپ جاتىر, دەپ حابارلايدى Egemen.kz.
اتالعان زاۋىتتان وڭىرگە قوسىمشا 408 توننا قانت جەتكىزۋ جوسپارلانىپ وتىر.
«اتىراۋ وبلىسىنا ءساۋىر ايىنان بەرى 536 توننا قانت جەتكىزىلدى. «يدەال ماركەت» جشس-ءنىڭ ساۋدا جەلىلەرىنە 6 ۆاگونمەن 408 توننا, وزگە سۋپەرماركەت جەلىلەرىنە 2 ۆاگونمەن 128 توننا قانت تاسىمالداندى. قازىر ساۋدا جەلىلەرىنىڭ سورەلەردە قانت ساتىلىمدا تۇر. دەگەنمەن, قانت ءار ادامعا 3 كەلىدەن ساتىلىدى. سەبەبى, جەكە دۇكەن يەلەرى نەمەسە باسقا دا تۇتىنۋشىلار قانتتى ءبىر مەزەتتە تومەن باعامەن وتە كوپ مولشەردە ساتىپ الۋى مۇمكىن. كەيىن قانت باعاسىنا ۇستەمە قوسىپ, قىمباتقا ساتادى. سوندىقتان سۋپەرماركەتتەردە قانت بەلگىلى ءبىر مەرزىمدە عانا سورەلەرگە شىعارىلىپ تۇرادى», دەيدى نۇربول جاڭابەكوۆ.
ونىڭ ايتۋىنشا, ازىق-ت ۇلىك باعاسىن قاداعالاۋ ماقساتىندا ساۋدا ورىندارىنا رەيد جۇرگىزىلىپ جاتىر. مۇنداي رەيدتىك ءىس-شارالار الداعى ۋاقىتتا اپتاسىنا بىرنەشە رەت جۇرگىزىلەدى.
«قازىر ازىق-ت ۇلىك باعاسىنىڭ تۇراقتىلىعىنا, نەگىزسىز وسۋىنە قاداعالاۋ جۇرگىزۋ ءۇشىن مونيتورينگتىك ءىس-شارالار قولعا الىندى. ماقسات – تۇرعىندارعا ازىق-ت ۇلىكتىڭ قولجەتىمدى باعامەن ۇسىنىلۋىن قاداعالاۋ», دەپ ءمالىم ەتتى نۇربول جاڭابەكوۆ.