Amanat پارتياسىنىڭ اقمولا وبلىستىق فيليالى جانىنان Talqylau ديالوگ الاڭى اشىلىپ, ءوز جۇمىسىن باستادى. وندا زيالى قاۋىم وكىلدەرى «رەفەرەندۋم – جاڭا قازاقستانعا العاشقى قادام» تاقىرىبىندا وي-پىكىرلەرىن ورتاعا سالدى.
Talqylau الاڭىندا ءسوز سويلەگەن پارتيانىڭ رەفەرەندۋمدى قولداۋ بويىنشا قۇرىلعان رەسپۋبليكالىق شتاب مۇشەسى, «اقمولا-تىرشىلىك» سەرىكتەستىگىنىڭ ديرەكتورى, جازۋشى جابال ەرعاليەۆ: ء«بىز, قازاقستان حالقى تاريحتىڭ جاۋاپتى كەزەڭىندە تۇرعاندىعىمىزدى ايقىن سەزىنۋىمىز كەرەك. الداعى ايدىڭ 5 ماۋسىم كۇنى وتەتىن رەفەرەندۋم مەملەكەتىمىزدىڭ جاڭا بولاشاعىن انىقتايدى. وسى وزگەرتۋلەر ارقىلى ءبىز دامۋدىڭ جاڭا ساتىسىنا تۇسەتىن بولامىز», دەپ الداعى رەفەرەندۋمنىڭ ماڭىزدىلىعىنا ءمان بەرە توقتالدى.
جينالعان قاۋىمنىڭ وزدەرىن تولعانتىپ جۇرگەن كوپتەگەن سۇراقتارىنا تولىققاندى جاۋاپ الۋعا مۇمكىندىك تۋدى. تىكەلەي ەفيردە وتكەندىكتەن, الەۋمەتتىك جەلى بويىنشا كورەرمەندەردەن سان ءتۇرلى سۇراقتار كەلىپ ءتۇستى.
ءسويتىپ, ديالوگتىق الاڭ ارقىلى الداعى رەفەرەندۋمنىڭ ءمان-ماڭىزىن حالىققا جەتكىزۋ ماقسات ەتىلدى. ماقسات ورىندالعانداي.
Talqylau الاڭى ءبىر رەتتىك ەفير ەمەس. تۇرعىنداردى تولعاندىراتىن تۇيتكىلدى ماسەلەلەر الداعى ۋاقىتتا دا وسى الاڭدا تالقىلاناتىن بولادى.
كوكشەتاۋ