قازاقستانعا بۇۇ-نىڭ بەيبىتشىلىكتى قولداۋ وپەراتسيالارى دەپارتامەنتىنىڭ ساراپشىلارى كونسۋلتاتيۆتىك ساپارمەن كەلدى.
ساراپشىلاردىڭ بىتىمگەرشىلىك دايىندىق ورتالىعىنا (KAZCENT) بارۋداعى باستى ماقساتى – ونىڭ قىزمەتىمەن تانىسۋ جانە قازاقستاندىق بىتىمگەرشىلىك كونتينگەنتتىڭ دايىندىق الەۋەتىنىڭ جۇيەسى شەڭبەرىندە بۇۇ-نىڭ بەيبىتشىلىكتى قولداۋ جونىندەگى وپەراتسيالارىنا قاتىسۋعا دايىندىعىن ايقىنداۋ.
ساراپشىلار بىتىمگەرلەردىڭ وقۋ پروتسەسىنىڭ نەگىزگى باعىتتارىن, ونىڭ ىشىندە اعىلشىن ءتىلىن وقىتۋ مەن حالىقارالىق گۋمانيتارلىق قۇقىق نورمالارىن زەردەلەدى. الماتى وبلىسىنىڭ تىلەنديەۆ اۋىلىنداعى بىتىمگەرلەردى دايىنداۋ وقۋ-جاتتىعۋ ورتالىعىندا پراكتيكالىق ءىس-قيمىلدار كورسەتىلدى.
بىرىككەن بولىمشەنىڭ باقىلاۋ-وتكىزۋ جانە قاداعالاۋ پۋنكتتەرىندە قىزمەت اتقارۋ, گۋمانيتارلىق جۇكتى الىپ ءجۇرۋ, ماڭىزدى وبەكتىلەردى كۇزەتۋ, جەرگىلىكتى حالىقتى قورعاۋ جونىندەگى ءىس-شارالار كەشەنىن وتكىزۋ جانە سول ايماقتى پاترۋلدەۋ تاپسىرمالارىن پىسىقتادى.
ساراپشىلار ۇشقىشسىز باسقارى- لاتىن اپپاراتتار بولىمشەلەرىنىڭ ءىس-قيمىلىن, ولاردىڭ تەحنيكالىق مۇمكىندىكتەرىن, ولاردى باقىلاۋ جانە اقپارات جيناۋ قابىلەتىن باعالادى. ينجەنەرلىك-ساپەرلىك بولىمشەلەردىڭ ماماندارى قولدان جاسالعان جارىلعىش زاتتاردى تابۋ جانە ولاردى جويۋ ءىس-قيمىلدارىن ورىندادى.
قورعانىس مينيسترلىگىنىڭ اسكەري مەديتسينا ورتالىعىندا بولعان بۇۇ-نىڭ وكىلدەرى قر قك اسكەري قىزمەتشىلەرىنىڭ اسكەري-مەديتسينالىق دايىندىق دەڭگەيىن كوردى.
ساپاردىڭ قورىتىندىلارى بويىنشا بۇۇ-نىڭ بىتىمگەرشىلىك الەۋەتىنىڭ ازىرلىك جۇيەسىنىڭ ىلگەرىلەۋ مۇمكىندىگىنە, قارۋ-جاراقپەن, اسكەري جانە ارنايى تەحنيكامەن, مەديتسينالىق, تىلدىق جانە باسقا دا م ۇلىكپەن جاراقتاندىرىلۋىنا, سونداي-اق قازاقستاننىڭ بىتىمگەرشىلىك كونتينگەنتىنىڭ دايىندىق دەڭگەيىنە الدىن الا باعا بەرىلەتىن بولادى.