تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى ساپاسىز ينتەرنەت ۇسىنعان وپەراتورلاردىڭ قانداي جازاعا تارتىلعانىن ايتتى, دەپ حابارلايدى Egemen.kz.
«ۆەدومستۆو اكىمشىلىك قۇقىق بۇزۋشىلىق تۋرالى كودەكسكە ساپاسىز ينتەرنەت ءۇشىن سالىناتىن ايىپپۇلدىڭ مولشەرىن ۇلعايتاتىن وزگەرىستەر ازىرلەدى. اتاپ ايتساق, ءىرى بيزنەس نىساندارىنا ساپاسىز ينتەرنەت ۇسىنعانى ءۇشىن سالىناتىن ايىپپۇل 100 ايلىق ەسەپتىك كورسەتكىشتەن (318 000 تەڭگە) 1000 اەك-كە (3 180 000 تەڭگە) دەيىن ۇلعايتىلماق. ال ولقىلىق ءبىر جىلدىڭ ىشىندە ەكىنشى رەت قايتالانسا, ايىپپۇل 1500 اەك-كە (4 770 000 تەڭگە) كوتەرىلەدى», دەپ جازادى ۆەدومستۆو ماماندارى.
ۆەدومستۆو تاراپىنان ساپاسىز ينتەرنەت ءۇشىن 132 ملن تەڭگەگە ايىپپۇل سالىنعان. ال اتالعان سالادا قىزمەت كورسەتەتىن وپەراتورلار بىلتىر 884 ملرد تەڭگە تابىس تاپقان. سوندا سالىنعان ايىپپۇل كولەمى تابىستىڭ 0,01% عانا دەگەن ءسوز.
«وسىنى نەگىزگە الساق, ينتەرنەت ساپاسىنا بايلانىستى سالىناتىن ايىپپۇل ۇلعايسا, تاريفتەر دە ءوسۋى كەرەك دەگەن ءۋاجدىڭ ەش نەگىزى جوق», دەلىنگەن ۆەدومستۆو حابارلاماسىندا.
ايانا توعانبەك