امەريكالىق كاسىپكەر جانە Microsoft نەگىزىن قالاۋشى بيلل گەيتس تاعى ءبىر پاندەميا بولۋى مۇمكىن ەكەنىن ايتتى. ول جاڭا ەپيدەميالار تاراعان جاعدايدا «جاھاندىق ارەكەت ەتۋ توبىن» قۇرۋدى ۇسىندى. بيلل گەيتستىڭ پىكىرىنشە, 20 جىلدان كەيىن الەمدە جاڭا پاندەميا باستالۋى مۇمكىن, دەپ حابارلايدى Egemen.kz كاسىپكەردىڭ يسپانيالىق El Diario گازەتىنە بەرگەن سۇحباتىنا سىلتەمە جاساپ.
ىندەتتىڭ تارالۋىمەن كۇرەسۋ ءۇشىن كاسىپكەر «جاھاندىق ەپيدەمياعا قارسى ارەكەت جانە جۇمىلدىرۋ كومانداسىن» قۇرۋدى ۇسىندى. بيلل گەيتستىڭ پايىمىنشا, ولاردى ء«ورت سوندىرۋشىلەر سياقتى شاقىرۋعا بولادى». سونىمەن قاتار ول قازىر تارالىپ جاتقان مايمىلشەشەك اۋرۋىن اسا قاۋىپتى دەپ سانامايتىنىن ايتتى.
ەستەرىڭىزگە سالا كەتەيىك, بۇعان دەيىن بيلل گەيتس كوروناۆيرۋس پاندەمياسى 2022 جىلى اياقتالادى دەپ بولجاعان ەدى. دەگەنمەن ول حالىقتى بەتپەردە تاعۋعا, ادام كوپ جينالاتىن ورىنداردان اۋلاق بولۋعا, كوروناۆيرۋسقا قارسى ۆاكتسينا سالدىرۋعا شاقىرعان بولاتىن.
ارۋجان امانگەلدى