ساراپشىلاردىڭ پىكىرى بويىنشا, قازاقستاندا ۇن ءبىر ايدا 8 پايىزعا, ءبىر جىلدا بىردەن 23 پايىزعا قىمباتتاعان, دەپ حابارلايدى Egemen.kz.
Energyprom.kz سايتىنىڭ مالىمەتىنشە, جوعارى ساپالى ۇننىڭ قۇنى 301 تەڭگە, ءبىرىنشى سورتتى ءۇننىڭ كەلىسى 200 تەڭگە بولدى.
«اي سايىنعى ديناميكا بويىنشا ۇن بىردەن جامبىل وبلىسىندا 22,6%-عا, باتىس قازاقستان وبلىسىندا 15%-عا, تۇركىستان وبلىسىندا 14,1%-عا قىمباتتادى», دەيدى ماماندار.
جىلدىق ديناميكا بويىنشا باعانىڭ ءوسۋىن اسىرەسە جامبىل وبلىسىنىڭ تۇرعىندارى سەزىندى: بىردەن جىلىنا 50,6%-عا قىمباتتاعان.
ۇشتىككە سولتۇستىك قازاقستان جانە تۇركىستان وبلىستارى كىردى: سايكەسىنشە 28,5% جانە 27,9%.
زەرتتەۋگە سايكەس, ەلىمىزدىڭ ءىرى قالالارىنىڭ ىشىندە ەڭ جوعارى سۇرىپتى ۇن ەلوردادا قىمبات (كگ 369 تەڭگە), ەڭ ارزانى پاۆلوداردا (205 تەڭگە) بولدى.
ەلوردا تۇرعىندارى ءۇشىن ءبىرىنشى سۇرىپتى ۇن دا قىمبات (263 تەڭگە), ەڭ ارزان ۇن پەتروپاۆلدا (139 تەڭگە).
ايتا كەتەيىك, 2022 جىلدىڭ قاڭتار-ءساۋىر ايلارىندا ەلىمىزدە ءداندى داقىلداردان 1,2 ملن توننا ۇن ءوندىرىلدى, بۇل وتكەن جىلمەن سالىستىرعاندا 4,6%-عا ارتىق.
وڭىرلەر بويىنشا قاراستىرساق, ەڭ كوپ ۇن قوستاناي وبلىسىندا ءوندىرىلدى: 399,9 مىڭ توننا.
گۇلدانا ەلۋباي