ءاليحان سمايىلوۆ مەملەكەتتىك ورگانداردىڭ جۇمىسىن تسيفرلاندىرۋ جانە قازاقستاندا 5G ەنگىزۋ بويىنشا تاپسىرما بەردى, دەپ حابارلايدى Egemen.kz پرەمەر-ءمينيستردىڭ رەسمي سايتىنا سىلتەمە جاساپ.
قر پرەمەر-ءمينيسترى ءاليحان سمايىلوۆ تسيفرلاندىرۋ ماسەلەلەرى جونىندەگى كوميسسيانىڭ وتىرىسىن وتكىزدى, وندا مەملەكەتتىك ورگاندارداعى بيزنەس-ۇدەرىستەردىڭ رەينجينيرينگى, ازاماتتار مەن زاڭدى تۇلعالار تۋرالى مالىمەتتەردى تۇزەتۋدىڭ وڭايلاتىلعان مەحانيزمىن ەنگىزۋ, سونداي-اق بەسىنشى بۋىنداعى ۇيالى بايلانىستى ەنگىزۋ جانە دامىتۋ (5G/IMT) بارىسى قارالدى.
ءبىرىنشى ماسەلە بويىنشا بايانداما جاساعان تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين مەملەكەت باسشىسىنىڭ مەملەكەتتىك اپپارات قىزمەتىن بيۋروكراتيادان ارىلتۋ جونىندەگى تاپسىرماسىن ورىنداۋ اياسىندا پروتسەستەر مەن مەملەكەتتىك ورگاندار فۋنكتسيالارىنىڭ كەشەندى رەينجينيرينگى, سونداي-اق قۇجات اينالىمى مەن ەسەپتىلىكتى قىسقارتۋ جۇمىستارى جۇرگىزىلىپ جاتقانىن, ول مەرزىمدەر مەن كەزەڭدەردى ەكى ەسەگە قىسقارتۋدى كوزدەيتىنىن حابارلادى.
بۇگىنگى تاڭدا 100-دەن استام بيزنەس-پروتسەسس بويىنشا جۇمىس ءجۇرىپ جاتىر: ونىڭ 55-ءى بويىنشا رەينجينيرينگ جۇرگىزىلسە, 35-ءى مەملەكەتتىك ورگانداردىڭ كەلىسۋىندە, 43 بيزنەس-پروتسەسس سيپاتتالىپ, راسىمدەلدى.
رەينجينيرينگ ازاماتتار مەن بيزنەسكە قىزمەت كورسەتۋ ۋاقىتىن بىرنەشە ەسە قىسقارتۋعا مۇمكىندىك بەرەدى, جالپى مەملەكەتتىك ورگانداردىڭ ءوزارا ءىس-قيمىلىن جاقسارتادى.
وسىلايشا, ازاماتتار ءجيى جۇگىنەتىن بىرقاتار قىزمەت وڭتايلاندىرىلدى, اتاپ ايتقاندا, اۆتوكولىك ساتىپ الۋ (15 مين, ونلاين قىزمەتتەر ارقىلى قايتا تىركەۋ), جشس جويۋ (1 اي), مۇگەدەكتىكتى بەلگىلەۋ (سىرتتاي كۋالاندىرۋ مۇمكىندىگى), پاتەردى قايتا جوسپارلاۋ (1 كۇن), ەڭبەككە جارامسىزدىق پاراعىن الۋ (قاشىقتان) جانە ت. ب. وزگەرىستەر جىل سوڭىنا دەيىن تولىق ەنگىزىلەدى.
ءدارى-دارمەكتەردى اكەلۋ جانە ساراپتاۋ پروتسەستەرىن ترانسفورماتسيالاۋ, ازاماتتاردى تەگىن ءدارى-دارمەكتەرمەن قامتاماسىز ەتۋ, جەر ۋچاسكەلەرىن ساتىپ الۋ جانە باسقارۋ, اسكەري ەسەپكە قاشىقتان قويۋ جانە باسقا دا ۇسىنىستار قالىپتاستىرىلدى. بۇل مەملەكەتتىك ورگاندارمەن تالقىلاۋ كەزەڭىندە تۇر.
بۇدان بولەك, مەملەكەتتىك ورگانداردىڭ بيۋدجەت جانە نورما تۇزۋشىلىك پروتسەستەرىنە رەينجينيرينگ جۇرگىزۋ ۇكىمەتكە ستراتەگيالىق مىندەتتەردىڭ ورىندالۋىن, ەلدەگى ماكروەكونوميكالىق جاعدايدى, وزەكتى جانە دۇرىس دەرەكتەر نەگىزىندە ناقتى ۋاقىت رەجيمىندە ۇلتتىق جوبالاردىڭ ىسكە اسىرىلۋىن تۇراقتى باقىلاپ وتىرۋعا مۇمكىندىك بەرەدى, بۇل مەملەكەتتىك قىزمەتتىڭ جاڭا تسيفرلىق فورماتقا كوشۋىنە نەگىز بولماق.
قر پرەمەر-ءمينيسترى وسى باعىتتاعى بارلىق جۇمىستى ساپالى ءارى ۋاقىتىلى اياقتاۋدى تاپسىردى.
ەكىنشى ماسەلەنى قاراۋ بارىسىندا بۇگىنگى تاڭدا ازاماتتار مەملەكەتتىك دەرەكتەر قورىنداعى قاتەلەرگە بايلانىستى ءارتۇرلى قۇجاتتارعا تۇزەتۋلەر ەنگىزىپ جاتاتىنى اتاپ ءوتىلدى.
جاعدايدى وزگەرتۋ ءۇشىن مەملەكەتتىك ورگانداردىڭ مالىمەتتەردى تۇزەتۋگە ەلەكتروندىق وتىنىمدەردى قابىلداۋعا سەرۆيستەردى جاريالاپ وتىرۋى ۇسىنىلدى. وسىنىڭ ارقاسىندا پايدالانۋشى نوتاريۋسقا نەمەسە حقكو-عا بارماي-اق, ۋاكىلەتتى مەملەكەتتىك ورگانعا تىكەلەي ساۋال جىبەرە الادى.
ءاليحان سمايىلوۆ ايتىلعان تاسىلدەردى قولداپ, ولاردى ىسكە اسىرۋ ماسەلەسىن ەگجەي-تەگجەيلى پىسىقتاۋدى تاپسىردى.
كۇن ءتارتىبىنىڭ ءۇشىنشى ماسەلەسىن قاراۋ كەزىندە قازىرگى ۋاقىتتا قازاقستاندا 5G/IMT بەسىنشى بۋىنداعى ۇيالى بايلانىس ستاندارتىن ەنگىزۋ بويىنشا جۇمىستار جۇرگىزىلىپ جاتقانى اتاپ ءوتىلدى. جۇرگىزىلگەن سىناقتار جاقسى ناتيجە كورسەتتى: جيىلىكتى قامتۋدىڭ ءتيىمدى ايماعى – 10 شارشى كم استام, جىلدامدىق كورسەتكىشى – 1,6 گبيت/س دەيىن, كىدىرىس دەڭگەيى – 10 مس كەم.
2021 جىلى جەكە وپەراتورلارعا نۇر-سۇلتان, الماتى جانە شىمكەنتتە 5G تەحنولوگياسىن تەستىلەۋ قۇقىعى بەرىلدى.
قر پرەمەر-ءمينيسترى 5G جەلىلەرى ءۇشىن جيىلىكتەردى ءبولۋ تەتىكتەرىن قوسىمشا پىسىقتاۋدى جانە جاڭارتىلعان ۇسىنىستاردى كوميسسيانىڭ قاراۋىنا قايتا ەنگىزۋدى تاپسىردى.
ايانا توعانبەك