بۇل تۋرالى قر اۋىل شارۋاشىلىعى ۆيتسە-ءمينيسترى ءابىلحايىر تامابەك ايتتى, دەپ حابارلايدى Egemen.kz.
«جۇمساق بيداي, قاتتى بيداي, ارپا, س ۇلى, كۇنباعىس, زىعىر, راپس, سويا, قاراقۇمىق جانە جۇگەرى سياقتى داقىلداردىڭ تىزبەسى 10-عا دەيىن كەڭەيتىلدى. كوكتەمگى دالا جۇمىستارى ەلىمىزدىڭ بارلىق وڭىرىندە باستالعانىن اتاپ ءوتۋ قاجەت. قازىرگى ۋاقىتتا 11,3 ملن گا الاڭعا داقىل ەگىلدى», دەدى ۆيتسە-مينيستر ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا.
ونىڭ اتاپ وتۋىنشە, كوكتەمگى ەگىس جۇمىستارىن ءساتتى وتكىزۋدىڭ نەگىزگى ماسەلەسى - فەرمەرلەردى نەسيە قاراجاتىمەن قامتاماسىز ەتۋ.
بيىل «اگرارلىق نەسيە كورپوراتسياسى» اق جەلىسى بويىنشا كوكتەمگى ەگىس جانە ەگىن جيناۋ جۇمىستارىنا كرەديت بەرۋگە 70 ملرد تەڭگە كولەمىندە بيۋدجەتتىك كرەديت ءبولىندى.
«كەڭ دالا» باعدارلاماسى اياسىندا رەسمي تۇردە 70 ملرد تەڭگە سوماسىنا 2 562 ءوتىنىم كەلىپ ءتۇستى. ونىڭ ىشىندە 69 ملرد تەڭگەنىڭ 2 086 ءوتىنىمى قارجىلاندىرىلدى.
«سونىمەن قاتار الەمدىك ازىق-ت ۇلىك نارىعىنداعى قۇبىلمالىلىقتىڭ سالدارىن نيۆەليرلەۋ ماقساتىندا كوكتەمگى ەگىس جانە ەگىن جيناۋ جۇمىسىن قارجىلاندىرۋ كولەمىن قوسىمشا 70 ملرد تەڭگەگە ۇلعايتۋ جانە بيۋدجەتتىك كرەديتتەۋدىڭ جالپى سوماسىن 140 ملرد تەڭگەگە دەيىن جەتكىزۋ تۋرالى شەشىم قابىلداندى. قازىرگى ۋاقىتتا «اگرارلىق نەسيە كورپوراتسياسى» اق ءوز قاراجاتىنان 14 ملرد تەڭگەدەن استام سوماعا 435 ءاشتو-گە كرەديت بەردى. ولار قوسىمشا بولىنگەن 70 ملرد قاراجاتتان وتەلەدى. فورۆاردتىق ساتىپ الۋ شەڭبەرىندە «ازىق-ت ۇلىك كەلىسىم-شارت كورپوراتسياسى» ۇك» اق 93,6 ملرد تەڭگەدەن استام سوماعا 550 ءوتىنىم ءتۇستى. 74,4 ملرد تەڭگە سوماسىنا 410 ءوتىنىم قارجىلاندى. بۇل رەتتە وسى جىلى قارجىلاندىرۋ سوماسى 80 ملرد تەڭگەگە دەيىن جەتكىزىلدى. بۇل وتكەن جىلدىڭ دەڭگەيىنەن 2 ەسە ارتىق», دەدى ءابىلحايىر تامابەك.
ايانا توعانبەك