جەر زاڭناماسىن بۇزعاندارعا ايىپپۇل سالىندى

«جەرگىلىكتى اتقارۋشى ورگانداردىڭ مالىمەتتەرىنە سايكەس, 2021 جىلى رەسپۋبليكا بويىنشا جەردىڭ پايدالانىلۋى مەن قورعالۋىن باقىلاۋ جونىندەگى ۋاكىلەتتى ورگاندار جەر زاڭناماسىنىڭ ساقتالۋى تۇرعىسىنان 2 406 تەكسەرۋ جۇرگىزدى. جۇرگىزىلگەن تەكسەرۋلەر بارىسىندا 1 111 زاڭ بۇزۋشىلىق انىقتالدى, 1 072 جاعدايدا جەر زاڭناماسىن بۇزۋشىلارعا جالپى سوماسى 219 ملن تەڭگەگە ايىپپۇل سالىندى», دەدى ۆيتسە-مينيستر ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا.

ونىڭ ايتۋىنشا, 2021 جىلى انىقتالعان بۇزۋشىلىقتاردىڭ 65,7 پايىزى جەرگە مەملەكەتتىك مەنشىك قۇقىعىن بۇزۋعا, 1,9 پايىزى ارنايى بەلگىلەردى جويۋعا, 8,6 پايىزى جەردى بۇلدىرۋگە, 5,3 پايىزى جەر ۋچاسكەلەرىن بەرۋ تۋرالى وتىنىشتەردى قاراۋدىڭ بەلگىلەنگەن مەرزىمدەرىن بۇزۋعا, 18,5 پايىزى اۋىل شارۋاشىلىعى جەرلەرىن ءتيىمسىز پايدالانۋعا نەمەسە پايدالانباۋعا, جەرلەردى نىسانالى ماقساتى بويىنشا پايدالانباۋعا قاتىستى بولدى.

ايانا توعانبەك