تۇركىستان – رۋحاني ولكە

ەلىمىزدەگى مادەنيەت جانە ونەر سالاسى ۇيىم­دارىنىڭ شىعار­ماشىلىق جەتىس­تىك­تەرىن انىقتاپ, تالانتتى, وزىن­دىك ەرەك­شەلىگى بار ۇجىمدار مەن ورىن­­داۋ­شىلارعا قولداۋ ءبىلدىرۋ ماق­ساتىن­­داعى «رۋحاني قازىنا – 2022» فەستي­­ۆالى­نىڭ رەسپۋبليكالىق كەزەڭى مادە­­نيەت جانە سپورت مينيسترلىگى مەن تۇركى­­ستان وبلىسى اكىمدىگىنىڭ ۇيىم­­داس­­­تى­رۋى­مەن تۇركىستاندا ءوتتى. «Farab» كىتاپ­حانا­سىن­دا وتكەن فەستي­ۆا­ل-كونكۋرستىڭ اشى­لۋ سالتاناتىندا «قازاق اۋەن­دەرى» اق پرەزيدەنتى عالىم­جان وتەلباي ۇلى مۇنداي ءىس-شارا­لار قاتىسۋشىلاردىڭ كاسىبي شەبەرلىگىن ارتتىرىپ, وڭىرلەردىڭ مادەني مۇراسىن تانىستىرۋعا, قىز­­مەتكەرلەردىڭ ءوزارا تاجىريبە ال­ماسۋىنا مول مۇمكىندىك بەرە­تى­نىن ايتتى. بىرنەشە كەزەڭنەن تۇ­را­تىن رەسپۋبليكالىق فەستي­ۆال­دىڭ العاش­قى كۇندەرى مادە­نيەت قىزمەتكەر­لەرى مۇراجاي, كىتاپ­­­حانا, مادەني-دەما­لىس قىز­­مەتى سا­لاسىندا باق سىناسا, كە­­يىن­­گى كۇن­دەرى لەكتورلار كون­كۋرس­قا قا­تىسۋ­­شى­لارعا ءدارىس وقىپ, شەبەر­لىك سابا­عىن وتكىزدى. تۇركى­ستان وڭى­رىندەگى كيەلى ورىن­­­دارعا سايا­حات جاسالدى. بيىلعى فەس­تي­ۆال­­دىڭ ەرەكشەلىگى – كونكۋرسقا مەم­­لەكەت­تىك مەكەمەلەرمەن قاتار جەكە­­مەن­شىك مادەنيەت ۇيىمدارى دا قاتىستى.

قازىلار القاسى ەلىمىزدىڭ 17 وڭى­رىنەن كەلىپ تۇسكەن كىتاپحانا سالاسى بويىنشا – 125, مادەني ويىن-ساۋىق سالاسى بويىنشا –  87, مۋزەي سالاسى بويىنشا 73 ءوتىنىمدى قاراستىردى. ءبىر اپتاعا سوزىلعان بايقاۋ ناتيجەسى رەسمي جاريالانىپ, فەستيۆالدىڭ 44 جەڭىمپازى ارنايى سىيلىقتارمەن ماراپاتتالدى. فەستيۆالعا قاتىسۋشى­لاردى ماراپاتتاۋ راسىمىندە  مادەنيەت جانە سپورت ۆيتسە-ءمينيسترى سەرىك جا­راس­باەۆ بارشا مادەنيەت جانە ونەر سالاسىنىڭ قىزمەتكەرلەرىن كاسى­بي مەرەكەسىمەن قۇتتىقتادى. بۇدان بولەك جەڭىمپازداردى مينيسترلىكتىڭ مادەنيەت كوميتەتى توراعاسىنىڭ ورىنباسارى كۇمىس سەيىتوۆا, «قازاق­ستان رەسپۋبليكاسىنىڭ ۇلتتىق كى­تاپ­حاناسى» رەسپۋبليكالىق مەم­لە­كەت­تىك مەكەمەسىنىڭ ديرەكتورى با­حىت­جا­مال وسپانوۆا, «بوزوق» مەم­لە­كەتتىك تاريحي-مادەني مۋزەي-قورى­عى» رەسپۋبليكالىق مەملەكەتتىك قازى­­نالىق كاسىپورنىنىڭ ديرەكتورى ساۋلە بورىباەۆا, «جۇسىپبەك ەلەبەكوۆ اتىنداعى رەسپۋبليكالىق ەسترادالىق-تسيرك كوللەدجى» رەس­پۋب­ليكالىق مەملە­كەتتىك قازى­نالىق كاسىپورنىنىڭ ديرەك­تورى, قازاقستاننىڭ ەڭبەك سىڭىر­گەن قاي­راتكەرى جەڭىس سەيدۋل­لا ۇلى, ءداستۇرلى ءانشى, قازاقستاننىڭ ەڭبەك سىڭىرگەن قايراتكەرى ارداق بالاجانوۆا  مارا­پاتتاپ, قارجىلاي سىيلىق تابىس­تادى. جەڭىمپازدار اراسىندا تۇركىستان وبلىسىنىڭ وكىلدەرى دە بارىن ايتا كەتەلىك.  مى­سالى, مۋزەي سالاسى بويىنشا «ۇزدىك مادەنيەت, ونەر مۋزەيى» اتالىمىنا تۇركىستان وبلىستىق «بەينەلەۋ ونەرى مۋزەيى» لايىق دەپ تانىلدى. جۇلدە قورى – 1 000 000 تەڭگە. كىتاپحانا سالاسى بويىنشا «ۇزدىك اۋىلدىق ماڭىزى بار كىتاپحانا قىزمەتكەرى» اتالىمىن تۇلكىباس اۋداندىق ورتالىقتاندىرىلعان كىتاپ­حانالار جۇيەسى كمم جەڭىپ الدى. ء«ازىلحان نۇرشايىقوۆتىڭ 100 جىلدىعى قۇرمەتىنە كىتاپحانالار اراسىندا» نوميناتسياسى بويىنشا وبلىستىق ا.پۋشكين اتىنداعى امبەباپ-عىلىمي كىتاپحاناسى ۇزدىك اتاندى. جۇلدە قورى – 500 000 تەڭ­گە. سونداي-اق فەستيۆال اياسىندا بىرقاتار مادەنيەت سالاسىنىڭ مايتالمانى «مادەنيەت سالاسىنىڭ ۇزدىگى» توسبەلگىسىمەن ماراپاتتالدى. فەستيۆال سوڭىندا مادەنيەت جانە سپورت ۆيتسە-ءمينيسترى سەرىك جاراسباەۆ «قازاق اۋەندەرى» اق-نىڭ تەلەگرام كانالىندا داۋىس بەرۋ ناتيجەسىندە تۇركىستان وبلىسى «رۋحاني ولكە-2022» مارتەبەسىنە لايىق دەپ تانىلعانىن جاريا ەتىپ, وبلىستىق مادەنيەت باسقارماسىنىڭ باسشىسى ءازىمحان قويلىباەۆقا ارنايى بەلگىسىن تابىستادى.

تۇركىستان