26 مامىر كۇنى مەملەكەت باسشىسى قاسىم-جومارت توقاەۆ پرەزيدەنت سادىر جاپاروۆتىڭ شاقىرۋىمەن قىرعىز رەسپۋبليكاسىنا رەسمي ساپارمەن بارادى, دەپ حابارلايدى Egemen.kz.
«ەكى مەملەكەت باسشىلارى بىشكەكتە شاعىن جانە كەڭەيتىلگەن قۇرامدا كەزدەسۋ وتكىزەدى دەپ جوسپارلانىپ وتىر. كەلىسسوزدەر بارىسىندا ساياسي ديالوگتى ودان ءارى كۇشەيتۋگە, ساۋدا-ەكونوميكالىق, ينۆەستيتسيالىق جانە مادەني-گۋمانيتارلىق ىنتىماقتاستىقتى نىعايتۋعا ءمان بەرە وتىرىپ, قازاقستان مەن قىرعىزستان اراسىنداعى ستراتەگيالىق سەرىكتەستىكتى دامىتۋ ماسەلەلەرى قاراستىرىلماق», دەپ جازىلعان حابارلامادا.
كەلەسى كۇنى, ياعني 27 مامىردا قاسىم-جومارت توقاەۆ اقوردادا جوعارى ەۋرازيالىق ەكونوميكالىق كەڭەستىڭ وتىرىسىنا بەينەبايلانىس رەجيمىندە قاتىسادى.