22 مامىر كۇنى الماتى – وسكەمەن تاس جولىندا جانتۇرشىگەرلىك اپاتتان 5 ادام كوز جۇمدى. جول اپاتى شىعىس قازاقستان وبلىسى جارما اۋدانىندا بولعان, دەپ حابارلايدى Egemen.kz.
پوليتسيانىڭ مالىمەتىنشە, جەڭىل كولىك قاتتى جىلدامدىقپەن كەلىپ تراكتوردىڭ تىركەمەسىنە سوعىلعان.
«Nissan Cefiro اۆتوكولىگى الماتى وبلىسى تەكەلى قالاسىنان قالباتاۋ اۋىلىنا قاراي كەلە جاتقان. تاس جولدىڭ 959-شاقىرىمىندا 36 جاستاعى كولىك جۇرگىزۋشىسى جىلدامدىقتى اسىرىپ, «بەلارۋس 82,1» تراكتورىنىڭ تىركەمەسىنە سوعىلعان», دەلىنگەن پوليتسيا حابارلاماسىندا.
سالدارىنان وقيعا ورنىندا 36 جاستاعى جۇرگىزۋشى مەن 4 جولاۋشى ءتىل تارتپاستان جان تاپسىردى. تاعى ءبىر ادام ءتۇرلى جاراقاتپەن اۋرۋحاناعا جەتكىزىلدى.
قازىر پوليتسيا قىلمىستىق كودەكستىڭ 345-بابى, 4-بولىگى «كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى سالدارىنان ابايسىزدا ەكi نەمەسە ودان دا كوپ ادامنىڭ ولiمiنە اكەپ سوققان ءىس-ارەكەت» بويىنشا تەرگەۋ باستادى.