جەڭىلدەتىلگەن اۆتونەسيە: العاشقى كولىك بەرىلدى

بەكزات تىلەگەن اۆتوكولىكتى الۋ, رەسىمدەۋ جۇمىستارىنىڭ ءوزى ويلا­عاننان دا جىلدام جۇرگەنىنە قۋان­عانىن, تاڭعال­عانىن جاسىرمادى.

– باعدارلاما ىسكە قوسىلعان كۇنى, ياعني 16 مامىردا تۇسكى ءۇزىلىس كەزىندە اۆتوسالونعا كەلىپ ءوتىنىم بەردىم. جۇمىس كۇنى اياق­تالار شاقتا مەنەدجەر حابارلاستى. VIN-كود پەن تولەمگە ار­نالعان شوتتى الىپ كەتۋىمدى سۇرادى. ودان كەيىن بانككە بارىپ نەسيە­گە ءوتىنىم بەردىم. ونەر­كاسىپتى دا­مىتۋ قورىنان ءۇش كۇن­نىڭ ىشىن­دە نەسيەنىڭ ما­قۇلدانعانى تۋرالى جا­ۋاپ كەلدى. وسىلايشا, بانك مە­­نەد­جەرى ءوتى­نىمنىڭ ماقۇل­دان­­عانىن ايتىپ ءسۇيىنشى سۇ­را­دى. ءسويتىپ, كولىكتى رەسىمدەۋ جۇمىستارى باستالدى, – دەدى بەكزات.

ول قۇجاتتاردى رەسىمدەۋ جۇ­­مىس­­­تارىنا شامامەن 15 مىڭ تەڭگە تولە­گەنىن, سونداي-اق كاسكو­ ساق­­­تاندىرۋىنىڭ العاش­­قى ايى­­نا تولەم جاساعانىن جەت­كىز­دى. ساق­تاندىرۋدىڭ جالپى سو­­ما­سى كولىك قۇنىنىڭ 1,2 پا­يى­زىنا تەڭ.

– شىنىمدى ايتسام, جەڭىلدە­تىل­گەن اۆتونەسيە – وتە ىڭعايلى باعدارلاما. وزىمدە بۇرىن ماشينا بولعان. بىراق سالوننان جاڭا كۇيىندە العاش رەت كولىك يەلەنىپ تۇرمىن. مەن بارعان اۆتوسالوندا كولىكتىڭ ەكى ءتۇرى بولدى, سونىڭ ءبىرىن تاڭداپ, رەسىمدەدىم. اۆتونەسيە الۋ پروتسەسى اشىق ءارى كە­دەرگىسىز ءوتتى. تۇسىنگەنىم, كليەنت­­تىڭ تۇراقتى جۇمىسى بول­عا­نى ابزال. سونداي-اق جەكە تۇل­عا­نىڭ نەسيە تاريحى تازا بولعانى ءجون. ءوزىم ماشينا قۇراستىرۋ بويىنشا ينجەنەرمىن. ەكى بالا­نىڭ اكەسىمىن, – دەدى بەكزات تىلەگەن.

ول ءوز سوزىندە بىلتىردان بەرى كو­لىك باعاسى قىمباتتاعانىن اتاپ ءوتتى.

– مەن تاڭداعان مودەل بىلتىر شامامەن 5,7 ملن تەڭگەگە باعالانعان ەدى. جالپى, اڭعار­عا­نىم, كولىك باعاسى جاڭا باع­دار­لا­ما باستالعان ساتتەن ەمەس, جىل باسىنان باستاپ قىمباتتادى, – دەدى ول.

«بانك تسەنتر كرەديتتىڭ» ەلور­­­دا­داعى فيليالى ديرەك­تو­رى­نىڭ مىندەتىن اتقارۋشى گۇلجيحان حا­ميتوۆانىڭ ايتۋىنشا, بانك رەس­پۋبليكا بويىنشا 4 مىڭ­عا جۋىق ءوتىنىم قابىلداعان.

– ەلوردادا, الماتى مەن شىم­كەنتتە سۇرانىستىڭ كوپتىگى باي­قالدى. سكورينگ جۇيەسى بو­يىن­شا تەرىس جاۋاپ الىپ جات­قان­دار دا بار. نەسيە بەرۋ كە­زىن­دە ءوتىنىم يەسىنىڭ تۇراقتى جۇ­مىسى, تيىسىنشە التى ايلىق مەر­زىمدە مىندەتتى زەينەتاقى اۋدا­رىمىنىڭ بولۋىنا, نەسيە تاريحىنىڭ دۇرىستىعىنا, تولەم قابىلەتتىلىگىنە نازار اۋدارىلادى. بۇل رەتتە يپوتەكاسى بار ادامدار دا اۆتونەسيە رەسىمدەي الادى. ەڭ باستىسى, ۇمىتكەردىڭ جالاقىسى جاقسى جانە زەينەتاقى اۋدارىمدارى دۇرىس بولۋى شارت, – دەدى گۇلجيحان حاميتوۆا.

سونداي-اق ول كاسكو ساق­تان­دى­رۋ ءبىر جىلعا رەسىم­دە­لەتىنىن, سودان كەيىن ونى قارىزدىڭ قال­دى­عىنا رەسىمدەۋ كەرەكتىگىن, تيى­­سىنشە تولەمنىڭ ازاياتىنىن ءتۇ­سىن­­دىردى. ياعني كوپشىلىك ايتىپ جۇر­گەندەي, ساقتاندىرۋ تولەمىن جەتى جىل ءۇشىن بىردەن تولەۋدىڭ قا­جەتى جوق.

«بانك تسەنتركرەديتتىڭ» اۆتونەسيەلەۋ جونىندەگى كۋراتورى ايگەرىم قىستاۋباەۆانىڭ پىكى­رىنشە, استانادا Chevrolet, Kia جانە Hyundai برەندتەرىنە سۇرا­نىس جوعارى. ازىرشە ماقۇل­دان­عان نەسيەلەردىڭ دەنى Chevrolet Cobalt جانە Chevrolet Nexia ماركالارىنا تيەسىلى.

– نەسيەسى ماقۇلدانباعاندار دا بار. سكورينگ جۇيەسى شەشىمدى ءوزى قابىلدايدى جانە اۆتوماتتى تۇردە جاۋاپ بەرەدى. شامامەن 10 ءوتىنىمنىڭ 3-4-ەۋى ماقۇلدانبايدى, – دەدى ايگەرىم قىستاۋباەۆا.

Chevrolet اۆتوسالونىنىڭ وكىل­­دەرى بەكجان تىلەگەننەن بو­لەك, تاعى بىرنەشە ادام بۇگىن-ەرتەڭ تاڭداعان كولىكتەرىن الىپ كەتەتىنىن ايتتى.

ونەركاسىپتى دامىتۋ قورى­نىڭ مالىمەتىنشە, بۇگىنگى تاڭدا جە­ڭىلدەتىلگەن اۆتونەسيە باعدار­لا­ماسى بويىنشا جالپى قۇنى 31,7 ملرد تەڭگەگە 4 290 ءوتىنىم ماقۇلدانعان.

ەسكە سالا كەتەيىك, 4 پايىز­دىق جەڭىلدەتىلگەن اۆتونەسيە باع­دار­لا­­ماسىنا 100 ملرد تەڭگە ءبولىنىپ وتىر. باعدارلاما 30 جىلعا شاق­تال­عان. باعدارلاما اياسىندا بە­رى­­لەتىن نەسيەنىڭ جىلدىق سىي­ا­­قى مولشەرلەمەسى – 4 پايىز. بانكتەردەن 10 ملن تەڭگەگە دەيىن نەسيە الۋعا بولادى. قارجى­لان­دى­رۋ مەرزىمى 7 جىلدان اسپايدى. نەسيەنىڭ باستاپقى جارناسى 0 پايىزدان باستالادى. كولىك قۇنى 15 ملن تەڭگەدەن اسپاۋى كەرەك.

باعدارلاما بويىنشا Kia, Hyundai, Chevrolet, Jاس, LADA برەندتەردىڭ ءونىمىن ساتىپ الۋعا مۇمكىندىك بار. اۆتونەسيە الۋ ءۇشىن «ەۋرازيالىق بانك», «بانك تسەنتركرەديت», «قازاقستان حا­لىق بانكى», Forte Bank سە­كىل­دى ەكىنشى دەڭگەيلى بانكتەرگە جۇگىنۋگە بولادى.

باعدارلاماعا قاتىسۋدىڭ قا­دام­­دارى كەلەسىدەي. الدىمەن ديلەرلىك اۆتوورتالىققا بارىپ, وتاندىق وندىرىستەن شىق­قان ءاۆتوموبيلدى تاڭداۋ كەرەك. اۆتوورتالىق وكىلدەرى ۇمىت­كەرگە VIN-كود پەن تولەمگە ار­نال­عان شوت بەرەدى. ۇمىتكەر ونى بانككە اپارىپ تاپسىرۋى شارت. بانك ءوتىنىمدى قابىلدايدى. نەسيە ما­قۇلدانعان سوڭ بانك كەپىلحات بە­رە­دى. ونى ديلەرلىك اۆتو­ور­تا­لىق­قا تاپسىرادى.

ايتا كەتۋ كەرەك, ءوتىنىم بەر­گەن­­نەن كەيىن تۇتىنۋشى تاڭ­دالعان ءاۆتوموبيلدىڭ ماركاسى مەن مودەلىن وزگەرتە المايدى. سونداي-اق كەزەكتە تۇرعان ورىندى باسقا ادامدارعا قايتا تىر­كەۋ­گە بولمايدى. باعدارلاماعا ءبىر ۇمىتكەر ەكى جىلدا ءبىر رەت قانا قاتىسا الادى.