بقو بويىنشا قىلمىستىق-اتقارۋ جۇيەسى دەپارتامەنتىنىڭ ءباسپاسوز قىزمەتى ءمالىم ەتكەنىندەي, تەلەفونداردى الىپ ءوتۋ وقيعاسى 18 مامىر كۇنى قاۋىپسىزدىگى بارىنشا جوعارى مەكەمەدە بولعان, دەپ حابارلايدى Egemen.kz.
«مەكەمەنىڭ جەدەل قىزمەتكەرلەرىنە تۇرمە اۋماعىنا تىيىم سالىنعان زاتتاردى الىپ وتۋگە دايىندىق ءجۇرىپ جاتقانى جونىندە اقپارات تۇسكەن. «ب» جەكە مەكەمەسىنىڭ «ت» ەسىمدى جۇرگىزۋشىسىنىڭ اۆتوكولىگىن تەكسەرۋ بارىسىندا اۋا كومپرەسسورى باللونىنان 38 ۇيالى تەلەفون تابىلعان. ونىڭ 30-ى – سمارتفون. سونداي-اق 42 قۋاتتاۋ قۇرىلعىسى, 10 سىمسىز جانە 3 سىمدى قۇلاققاپ شىققان», دەدى رۋ-170/3 مەكەمەسىنىڭ باستىعى, ادىلەت پولكوۆنيگى ماگنيس سابىروۆ.
وقيعا ورنىنا جەدەل تەرگەۋ توبى شاقىرتىلىپ, تىيىم سالىنعان زاتتاردى تاركىلەۋ اكتىسى ءتۇزىلدى. قازىر اتالعان دەرەك بويىنشا قىزمەتتىك تەكسەرۋ جۇرگىزىلىپ جاتىر.