الماتىدا «قارجى پيراميداسىن» قۇرعان 40 جاستاعى الاياق پوليتسيانىڭ قارماعىنا ءتۇستى. بۇل تۋرالى الماتى قالالىق ءىىد ءباسپاسوز قىزمەتىنە سىلتەمە جاساعان «قازاقپارات» حابارلادى.
الاياقتان جاۋاپ العان تەرگەۋشىنىڭ سوزىنە قاراعاندا, «قارجى پيراميداسىنىڭ» قوجايىنى اڭعال جانداردان قايىرىمدىلىق قورىنا اقشا جيناعان. الگى ازامات الدانعانداردى قايىرىمدىلىق ءۇشىن بەرگەن قارجىلارى ەسەلەپ قايتاتىنىنا سەندىرگەن. العاشقىدا «پيراميداعا» ونىڭ جاقىندارى «كىرىپتى».
اتالمىش ءىس تۋرالى پوليتسيا پولكوۆنيگى ەرلان ورالبەكوۆ: «ب. ەسىمدى ازامات ءوزىنىڭ جابىرلەنۋشىلەرىنەن 15 مىڭ تەڭگە كولەمىندە اقشا الىپ, ونى 13 600 تەڭگە دەپ, ال قالعان قاراجات قايىرىمدىلىق قورعا اقشا راسىمدەگەنى ءۇشىن الىنعان پايىز دەپ الىپ وتىرعان. ەر ادام بۇل قاراجات جارتى نەمەسە ءبىر جىلدان كەيىن قايىرىمدىلىق قوردىڭ ۇيىمداستىرۋشىلارى تاراپىنان بىرنەشە ەسە جوعارى سومامەن قايتارىلادى دەپ سەندىرىپ وتىرعان. جەڭىل پايدا تابۋ كوزىن تاپقانداي بولعان ادامدار «پيراميداعا» اعىلا باستاعان», – دەدى.
قازىرگى ۋاقىتتا الاياقتىعى ءۇشىن جاۋاپ بەرىپ وتىرعان 40 جاستاعى ازامات بۇعان دەيىن دە ءىستى بولعان ەكەن.
جولدىباي بازار.
دەرەككوز: «قازاقپارات».
فوتو: اssalam.ru.