قازاقستان مەكتەپتەرىندە بالالاردىڭ قۇقىقتارىن قورعاۋ جونىندەگى ۆەب-سايتقا QR-كودتارى بار تاقتايشالار ورناتىلادى, دەپ حابارلايدى Egemen.kz قر ءبىلىم جانە عىلىم مينيسترلىگىنە سىلتەمە جاساپ.
قر بعم بالالاردىڭ قۇقىقتارىن قورعاۋ كوميتەتى بالالار جىلى اياسىندا Bala Qorgau ينتەرنەت-رەسۋرسىن ىسكە قوستى.
«ەندى مەكتەپتەردە Bala Qorgau ۆەب-سايتىنىڭ QR-كودى مەن مەكەنجايى بار ارنايى تاقتايشالار ورناتىلادى, وندا وقۋشىلار وزدەرىن قىزىقتىرعان سۇراقتارىن قويا الادى. وقۋشىلار مەن اتا-انالار ءانونينمدى تۇردە كومەك سۇراي الادى نەمەسە ءبىلىم بەرۋ ۇيىمدارىنداعى زاڭسىز ارەكەتتەر تۋرالى حابارلاي الادى. ءوتىنىش جاساعاندارعا انونيمدىلىككە كەپىلدىك بەرىلەدى», دەلىنگەن بعم ءباسپاسوز قىزمەتى تاراتقان حابارلامادا.
ۆەدومستۆودا ناقتىلاعانداي, QR-تاقتايشالار نۇر-سۇلتان مەن الماتىنىڭ بىرنەشە مەكتەپتەرىندە ورناتىلعان.
«الداعى ۋاقىتتا ولار باسقا ءبىلىم بەرۋ ۇيىمدارىندا دا ورناتىلاتىن بولادى. قازىردىڭ وزىندە 100-دەن استام ءوتىنىش ءتۇستى, ولار نەگىزىنەن بالالار مەن اتا-انالاردىڭ ءوزارا قارىم-قاتىناسى ماسەلەلەرىنە قاتىستى», دەپ قوستى ۆەدومستۆو.