جىل باستالعالى بەرى تۇركىستان وبلىسىندا جەر قويناۋىن زاڭسىز پايدالانۋعا قاتىستى 18 زاڭ بۇزۋشىلىق تىركەلگەن, دەپ حابارلايدى Egemen.kz.
سونداي-اق 5 ازامات تارتىپتىك جاۋاپكەرشىلىككە, 16 ادام اكىمشىلىك جاۋاپكەرشىلىككە تارتىلعان.
موبيلدىك توپپەن جۇرگىزىلگەن رەيدتىك جۇمىستار بارىسىندا 16 تاسىمالداۋشىعا 2 056 483 تەڭگە كولەمدە ايىپپۇل سالىندى.
سونداي-اق 21 سۋ قورعاۋ بەلدەۋىندە ورنالاسقان تابيعات پايدالانۋشىلاردىڭ كەلىسىم-شارتتارى ۋاقىتشا توقتاتىلىپ, 9 كەلىسىم-شارت مۇلدە بۇزىلعان. 12 تابيعات پايدالانۋشىنىڭ تاۋ-كەن نۇكتەلەرى وزگەرتىلىپ, سۋ قورعاۋ بەلدەۋى اۋماعىنان شىعارىلعان.
«بيىل 12 ءىس قۇجاتتار پروتسەسستىك شەشىم قابىلداۋ ءۇشىن پوليتسياعا جولدانىپ, قىلمىستىق كودەكستىڭ 334-بابىمەن سوتقا دەيىنگى تەرگەپ-تەكسەرۋ باستالدى. وسى ءىس ارەكەتتەردەن قورشاعان ورتاعا 3,7 ملرد تەڭگە زالال كەلگەن», دەدى تۇركىستان وبلىسىنىڭ مامانداندىرىلعان تابيعات قورعاۋ پروكۋرورى سەرىك ابديەۆ.