الماتى قالالىق پوليتسيا دەپارتامەنتى مالىمەتى بويىنشا, تانىمال مەيرامحانا اسپازدارى ەسىرتكى ساۋداسىمەن اينالىسقان, دەپ حابارلايدى Egemen.kz.
«بىرنەشە اپتا جەدەل اقپاراتتى تەكسەردىك. كۇدىكتىلەردىڭ قىلمىستىق ارەكەتى راستالدى. «گاشيش» ساتقان ەليتالىق مەيرامحانالاردىڭ ءبىرىنىڭ اسپازى 1973 جىلى تۋعان م. ەسىمدى ازامات جۇمىس ورنىندا ۇستالدى.
سونداي-اق كۇدىكتىنىڭ تۇرعىلىقتى جەرىن ءتىنتۋ بارىسىندا ەكى سىرىڭكە قوراپشاسىنان جانە سىعىمدالعان گاشيش سالىنعان دوڭگەلەك بۋمادان ەسىرتكى زاتى تابىلدى», دەدى الماتى قالاسى پد ەسىرتكى قىلمىسىنا قارسى كۇرەس باسقارماسى باستىعىنىڭ ورىنباسارى ساعىندىق اياعانوۆ.
سونىمەن قاتار تەكسەرۋ بارىسىندا ەسىرتكى ساتۋمەن اينالىسقان 42 جاستاعى اسپاز-ايەل انىقتالعان. د. ەسىمدى ازاماتشانىڭ ۇيىنەن ۇنتاق زات سالىنعان پاكەت تابىلىپ, ونىڭ شىنايى ەسىرتكى ەكەنى سوت-حيميالىق ساراپتاما ارقىلى دالەلدەنگەن.
ەكى دەرەك بويىنشا قر قك-ءنىڭ 297-بابى 1-بولىمىنە ساي قىلمىستىق ءىس قوزعالدى.