پرەمەر-مينيستر بەينەكونفەرەنتسيا بايلانىسى رەجيمىندە وزبەكستان پرەمەر-ءمينيسترى ابدۋللا اريپوۆپەن كەلىسسوز جۇرگىزدى. ۇكىمەت باسشىلارى كەڭەيتىلگەن قۇرامدا ساۋدا-ەكونوميكالىق ىنتىماقتاستىقتى ودان ءارى دامىتۋ, ونەركاسىپ, كولىك, اۋىل شارۋاشىلىعى جانە ءبىلىم بەرۋ سالالارىنداعى بىرلەسكەن جوبالاردى ىسكە اسىرۋ بارىسى, سونداي-اق سۋ-ەنەرگەتيكا سالاسىنداعى ءوزارا ءىس-قيمىل ماسەلەلەرىن تالقىلادى, دەپ حابارلايدى Egemen.kz ۇكىمەت باسشىسىنىڭ سايتىنا سىلتەمە جاساپ.
2021 جىلدىڭ قورىتىندىسى بويىنشا قازاقستان مەن وزبەكستان اراسىنداعى ساۋدا-ساتتىق 33%-عا وسكەن. ەكىجاقتى تاۋار اينالىمىن $10 ملرد دەيىن جەتكىزۋ ءۇشىن الداعى بەس جىلعا پراكتيكالىق ءىس-قيمىل جوسپارى قابىلداندى.
سونداي-اق قازاقستاندىق كومپانيالاردىڭ وزبەكستانعا ەت-ءسۇت ونىمدەرىن, بالىق جانە ودان جاسالاتىن ونىمدەردى ەكسپورتتاۋعا مۇددەلى ەكەنى ايتىلدى.
تاشكەنتتە ءال-فارابي اتىنداعى قازۇۋ, ل. ن. گۋميلەۆ اتىنداعى ەۇۋ مەن م. اۋەزوۆ اتىنداعى وڭتۇستىك قازاقستان ۋنيۆەرسيتەتىنىڭ فيليالدارىن اشۋ ماسەلەسى پىسىقتالىپ جاتىر.