قاڭتار وقيعاسى كەزىندە دۇكەن توناعان جىگىت سوتتالدى

الماتى قالالىق سوتىنىڭ ءباسپاسوز قىزمەتى حابارلاعانداي, قاڭتار ايىنىڭ 6-سىنان 7-سىنە قاراعان ءتۇنى قاراعاندىنىڭ 23 جاستاعى تۇرعىنى Maxima ويىن-ساۋىق كەشەنىنىڭ جانىنان ءوتىپ بارا جاتىپ, تەرەزەلەردىڭ سىنعانىن بايقاعان.

«سوتتالۋشى كەشەننىڭ ىشىنە كىرىپ, ەكىنشى قاباتتاعى Prato دۇكەنىنەن قۇنى 33 333 تەڭگەلىك Iphone-6 ماركالى ۇيالى تەلەفونىن, كەيىن Monamie دۇكەنىنەن قۇنى 30 351 تەڭگە Dior ءيىس سۋىنىڭ ەكى قۇتىسىن ۇرلاعان. سوت بۇل ارەكەتتەردى قىلمىستىق كودەكستىڭ 188-بابى, 3-بولىگىنىڭ 2, 3-تارماقتارى بويىنشا ۇرلىق, ياعني, قويماعا زاڭسىز كىرۋ ارقىلى بىرنەشە رەت جاسالعان بوتەننىڭ مۇلكىن جىمقىرۋ دەپ تانىدى. سوتتالۋشى ءوز كىناسىن مويىنداپ, باسقا ادامداردىڭ دۇكەندەردەن زات الىپ جاتقانىن كورگەن سوڭ ءوزى دە كىرىپ, تاۋارلاردى ۇرلاعانىن ايتتى. ال قىلمىستىق كودەكستىڭ 188-بابى, 3-بولىگىنىڭ 2, 3-تارماقتارى بويىنشا ەكى جىلدان جەتi جىلعا دەيiنگi مەرزiمگە باس بوستاندىعىن شەكتەۋگە, نە سول مەرزىمگە باس بوستاندىعىنان ايىرۋ جازاسى قاراستىرىلعان. سوت ونىڭ جاستىعىن, كىناسىن مويىنداعانىن, شىن نيەتپەن وكىنگەنىن جانە ءبىرىنشى سوتتىلىعىن ەسكەرە وتىرىپ, مينيمالدى ەكى جىل مەرزىمگە باس بوستاندىعىن شەكتەۋ جازاسىن تاعايىندادى», دەلىنەدى قالالىق سوتتىڭ حابارلاماسىندا.

ۇكىم زاڭدى كۇشىنە ەنگەن جوق.