«قازاقستان رەسپۋبليكاسىنىڭ ۇلتتىق مۋزەيى» رمقك باسشىلىعى بيۋدجەت قاراجاتىن جىمقىردى دەگەن كۇدىككە ءىلىندى, دەپ حابارلايدى Egemen.kz سىبايلاس جەمقورلىققا قارسى ءىس-قيمىل اگەنتتىگىنە سىلتەمە جاساپ.
«نۇر-Cۇلتان قالاسى بويىنشا Cىبايلاس جەمقورلىققا قارسى قىزمەت مادەنيەت جانە سپورت مينيسترلىگىنىڭ «قازاقستان رەسپۋبليكاسىنىڭ ۇلتتىق مۋزەيى» رمقك لاۋازىمدى تۇلعالارىنا قاتىستى «التىن ادامنىڭ الەم مۋزەيلەرىنە شەرۋى» حالىقارالىق كورمەسىن وتكىزۋ بويىنشا مەملەكەتتىك ساتىپ الۋ تۋرالى شارت اياسىندا 146 ملن تەڭگە سوماسىندا بيۋدجەت قاراجاتىن جىمقىرۋ بەلگىلەرى بويىنشا سوتقا دەيىنگى تەرگەۋ جۇرگىزۋدە», دەلىنگەن ۆەدومستۆو حابارلاماسىندا.
شارتتىڭ جالپى سوماسى 1,2 ملرد تەڭگەنى قۇرايتىنى انىقتالدى.
تەرگەۋ سوتىنىڭ سانكتسياسىمەن قازىرگى ۋاقىتتا ءتىنتۋ, سونداي-اق كۋالاردان جاۋاپ الۋ جانە باسقا دا تەرگەۋ ارەكەتتەرى جۇرگىزىلۋدە.
ء«ىس بويىنشا تۇپكىلىكتى شەشىم قىلمىستىق ءىس جۇرگىزۋ زاڭناماسىنىڭ تالاپتارىن ورىنداۋ ناتيجەلەرى بويىنشا قابىلدانادى. وزگە اقپارات تەرگەۋ مۇددەسىندە جاريا ەتىلمەيدى», دەپ قوستى اگەنتتىكتەن.