«ونەركاسىپتى دامىتۋ قورى» اكتسيونەرلىك قوعامىنىڭ باسقارۋشى ديرەكتورى عالىمجان ءادي جەڭىلدەتىلگەن اۆتونەسيەنى ءبىر ادام نەشە رەت الۋعا قۇقىلى ەكەنىن ءتۇسىندىردى, دەپ حابارلايدى Egemen.kz.
«جەڭىلدەتىلگەن اۆتونەسيەنىڭ سىياقى مولشەرى – 4 پايىز, قارجىلاندىرۋ مەرزىمى 7 جىلدان اسپايدى. نەسيە كولەمى 10 ملن تەڭگە بولادى, ياعني قازاقستاندا شىعارىلعان كولىكتىڭ قۇنى 15 ملن تەڭگەدەن اسپاۋى كەرەك. بۇل باعدارلاما بويىنشا باستاپقى جارنا كوزدەلمەگەن. دەگەنمەن, اۆتوكولىكتىڭ قۇنى 10 ملن تەڭگەدەن اساتىن بولسا, نەسيەگە ءوتىنىش ءبىلدىرۋشى ازامات جەتىسپەيتىن اقشانى ءوز قاراجاتى ەسەبىنەن تولتىرادى», دەدى اكتسيونەرلىك قوعام وكىلى وسى ماسەلە بويىنشا ءوتىپ جاتقان بريفينگ بارىسىندا.
ونىڭ مالىمەتى بويىنشا, قازىر وسى باعدارلاماعا قاتىساتىن 4 بانك تاڭداپ الىنعان. ولار: «حالىق بانك», «بانك تسەنتركرەديت», «فورتە بانك» جانە ەۋرازيالىق بانك».
«بۇلاردىڭ قاتارى ءالى دە كەڭەيۋى مۇمكىن. قازىر ونەركاسىپتى دامىتۋ قورى باسقا بانكتەردىڭ دە وتىنىشتەرىن قاراستىرىپ جاتىر. ول وتىنىشتەر ماقۇلدانسا, بانكتەر سانى كوبەيەدى. بۇل باعدارلامانىڭ ەرەكشەلىگى بار. نەعۇرلىم كوپ ادام الۋ ءۇشىن ءبىر ازامات مۇنداي نەسيەنى 2 جىلدا ءبىر-اق رەت الا الادى», دەدى عالىمجان ءادي.
ايتا كەتەيىك, بۇگىن قازاقستاندا 4 پايىزدىق جەڭىلدەتىلگەن اۆتونەسيە بەرۋ باستالدى.