تەكسەرۋ بارىسىندا 64 ءولى يتبالىق پەن بەس بەكىرە تۇقىمداس بالىق تابىلدى, دەپ حابارلايدى Egemen.kz ماڭعىستاۋ وبلىسى بالىق ينسپەكتسياسى باسقارماسىنا سىلتەمە جاساپ.
فورت-شەۆچەنكو تەڭىز پورتى ايماعىندا ۋرديۋك مۇيىسىنەن باۋتينسكايا مۇيىسىنە دەيىنگى جاعالاۋدان ءولى يتبالىقتار تابىلدى. وسى دەرەك بويىنشا ەكولوگتار جانە جەرگىلىكتى اتقارۋشى ورگاننىڭ بىرلەسكەن جۇمىس توبى قۇرىلىپ, اۋماقتى زەرتتەۋ جۇمىستارى جۇرگىزىلدى. تولىق تەكسەرۋ بارىسىندا 64 ولگەن يتبالىق پەن 5 بەكىرە تۇقىمداس بالىق تابىلدى.
«بۇل ءبىر كۇن بۇرىنعى وڭتۇستىك-باتىستان سوققان ەكپىندى جەلدىڭ سالدارىنان بولىپ وتىر. زەرتحانالىق زەرتتەۋ ءۇشىن ولگەن جانۋارلاردان سىنامالار الىنىپ, توڭازىتقىشقا قويىلدى. سونداي-اق سۋ مەن اۋا سىنامالارى الىندى», دەپ حابارلايدى ماڭعىستاۋ وبلىسى بويىنشا بالىق ينسپەكتسياسى باسقارماسى.