ەلەنا رىباكينا ريم ءتۋرنيرىنىڭ شيرەك فينالىنا شىعا المادى

قازاقستاندىق تەننيسشى ءۇشىنشى اينالىمدا الەمنىڭ 29-راكەتكاسى, شۆەيتساريالىق حيل بەلەن تايحمانمەن شەبەرلىك بايقاستى.

وسىدان ءبىر اپتا بۇرىن ە.رىباكينا مادريد جارىسىندا شۆەيتساريالىق سپورتشىدان 3:6, 1:6 ەسەبىمەن جەڭىلىپ قالعان ەدى.

بۇل جولى ماتچ الدەقايدا تارتىستى ءوربىدى.

ءبىرىنشى پارتيادا قازاقستاندىق تەننيسشى تاي-برەيكتە ابجىلدىك تانىتتى – 7:6 (7:4).

ەكىنشىسىندە تايحمانن ەسە قايىردى – 6:3.

ءۇشىنشى, شەشۋشى سەتتە ە.رىباكينا 4:2 ەسەبىمەن العا كەتتى. ايتسە دە قارسىلاسى تارازى باسىن تەڭەستىرە الدى – 4:4. ەلەنا تاعى ءبىر برەيككە قول جەتكىزىپ, ماتچقا دوپ بەرگەنىمەن, سول مۇمكىندىگىن ءمۇلت جىبەردى – 5:5. ەسەپ 5:6 بولعان مەزەتتە مەديتسينالىق كومەككە دە جۇگىندى. سودان كەيىن شۆەيتساريالىق سپورتشى ويىندى برەيكپەن ءبىتىردى – 7:5.

اسا تارتىستى ءوتىپ, 3 ساعاتقا جۋىق ۋاقىتقا سوزىلعان باسەكە بارىسىندا ە.رىباكينا 2 ەيس جاساپ, 17 برەيك-پوينتتىڭ التاۋىن پايدالاندى. تايحمانن 6 ەيس, 9 برەيكپەن كوزگە ءتۇستى.

تايحمانن جۇلدە قورى 2,5 ملن ەۋرودان اساتىن دودانىڭ جارتىلاي فينالىنا شىعۋ ءۇشىن الەمنىڭ 3-راكەتكاسى, يسپانيالىق پاۋلا بادوسا نەمەسە رەيتينگتە 23-ساتىداعى رەسەيلىك داريا كاساتكينانىڭ بىرەۋىمەن تالاسادى.