الماتىدا 13-15 مامىر كۇندەرى بالۋان شولاق اتىنداعى سپورت سارايىندا بەكەت ماحمۇتوۆتى ەسكە الۋعا ارنالعان دزيۋدودان جاسوسپىرىمدەر مەن جاستار اراسىندا ازيا كۋبوگى وتەدى, دەپ حابارلايدى Egemen.kz Olympic.kz-كە سىلتەمە جاساپ.
ازيا كۋبوگىنە 2005-2006 جىلى تۋعان ءجاسوسپىرىم, 2002-2004 جىلدارى تۋعان جاس دزيۋدوشىلار قاتىسادى. اتالعان قۇرلىقتىق باسەكەگە قازاقستان, وزبەكستان, تاجىكستان, تۇركىمەنستان, قىرعىزستان جانە اقش قۇرامالارىنان 500-دەن استام سپورتشى باق سىنايدى.
حالىقارالىق دزيۋدو فەدەراتسياسىنىڭ (IJF) كۇنتىزبەسىنە سايكەس وتكىزىلگەلى وتىرعان جارىس جەڭىمپازدارى مەن جۇلدەگەرلەرىنە IJF ەرەجەسىنە سەيكەس الەمدىك رەيتينگتە ۇپاي قوسىلادى. جارىس جەڭىمپازدارىنا 100 ۇپايدان بەرىلسە, كۇمىس جۇلدەگەرگە – 60, قولا جۇلدەگەرگە – 40 ۇپايدان بەرىلەدى.
ايتا كەتسەك, ازيا كۋبوگى وسىمەن بەسىنشى رەت ۇيىمداستىرىلادى.