قر ەنەرگەتيكا ۆيتسە-ءمينيسترى اسەت ماعاۋوۆ ورتالىق كوممۋنيكاتسيالار قىزمەتىندە وتكەن بريفينگىدە بيرجا كوميتەتى ەلەكتروندى بيرجادان جانارماي ساتىپ الۋشىلارعا قويىلعان ليميتتىك شەكتەۋلەردى الىپ تاستاعانىن ايتتى, دەپ حابارلايدى Egemen.kz.
«بىلتىر اۋىل شارۋاشىلىعى تاۋارىن وندىرۋشىلەردى ديزەل وتىنىمەن قامتاماسىز ەتۋدە قيىندىقتار تۋىنداعان ەدى. بۇل ءبىر جاعىنان شەكارالاس ايماقتاردا باعانىڭ كۇرت وسۋىمەن بايلانىستى بولعان. رەسەي نارىعىندا ديزەل باعاسى ليترىنە 300 تەڭگەگە دەيىن باراتىنىن بىلەسىزدەر. وزبەكستاندا بىلتىر ديزەلدىڭ 1 ءليترى 350 تەڭگەىڭ ماڭايىندا بولدى. ءبىز 1 ليتر ديزەلدىڭ باعاسىن 200 تەڭگەنىڭ اينالاسىندا ۇستاۋعا تىرىستىق. سونىڭ سالدارىنان قولدا بار جانارماي ترنازيتتىك جولمەن, كولەڭكەلى اعىستارمەن سىرتقا كەتە باستادى. ءتىپتى ءتيىستى بۇيرىقتاردىڭ بولعانى دا اسەر ەتە المادى. ول كەزدە «قازمۇنايگاز», «پەتروسان» سياقتى ءىرى وڭدەۋشىلەردىڭ باعاسى مەن اراداعى دەلدالداردىڭ باعاسىنىڭ اراسىندا ۇلكەن ايىرماشىلىق بولعان ەدى. ءىرى وڭدەۋشىلەر باعانى 210-212 مىڭ تەڭگە كولەمىندە ساقتاۋعا تىنىستى. ال اجيوتاج كەزىندە نارىقتا 1 توننا ديزەلدىڭ باعاسى 350 مىڭ تەڭگەگە دەيىن جەتتى. مىنا جاقتان رەسەيدىڭ قىمبات يمپورتى دەپ كەلىپ جاتتى», دەدى ءمينيستردىڭ ورىنباسارى.
ونىڭ ايتۋىنشا, وسىنىڭ كەسىرىنەن ورتادا ءتيىمسىز جەتكىزۋشىلەر پايدا بولعان.
«ولار 212 مىڭ تەگەدەن ساتىپ الىپ, نارىققا بىردەن 300-350 مىڭ تەڭگەدەن ساتپاقشى بولدى. بيىل سول جاعدايدىڭ قايتالانۋىنا جول بەرمەۋ ءۇشىن مۇناي ونىمدەرىنىڭ اينالىمى تۋرالى زاڭناماعا تۇزەتۋ ۇسىندىق. مۇناي ونىمدەرىنىڭ كوتەرمە نارىعىنا قاتىسۋ ءۇشىن جەتكىزۋشىنىڭ مۇناي بازاسى بولۋ كەرەك. ساقتايتىن ورىنى جوقتار نارىقتان الاستاتىلادى. قازىر كوتەرمە باعامەن جانارماي جەتكىزۋشىلەر مۇناي بازالارىمەن كەلىسىمشارت جاساۋ ارقىلى عانا بۇل بيزنەسپەن اينالىسا الادى. ياعني, جەتكىزۋشىلەردىڭ ورتاسى مۇناي بازالارىنىڭ مۇمكىندىگىمەن شەكتەلىپ وتىر», دەدى ۆەدومستۆو وكىلى.
سونىمەن قاتار ول مۇناي ونىمدەرىن ەلەكتروندىق بيرجادا ساتۋدى قايتا باستاۋ دا ۇسىنىلعانىن جەتكىزدى.
«بىلتىر ءساۋىر ايىندا بەنزين مەن ديزەلدى وسى الاڭدا بەلسەندى ساتقان ەدىك. بىراق ءتيىستى ليميتتەر بولعان. ساتىپ الۋشى رەتىندە بيرجاعا كىرۋ قۇقىعىن العانداردىڭ سانى شەكتەۋلى بولدى. ويتكەنى مۇنداي ساۋدا پيلوتتىق جوبا بويىنشا باستالعان ەدى. سايكەسىنشە جىلدىق كولەمى 20 مىڭ توننادان از جەتكىزۋشىلەر قاتىسا العان جوق. جىل ورتاسىندا بۇل ءليميتتى 5 مىڭ تونناعا دەيىن تۇسىردىك. بيرجا كوميتەتىنىڭ شەشىمىمەن ءبىر اي بۇرىن بۇل ءليميتتىڭ كۇشى جويىلدى. بۇل وزگەرىس ۇساق جانارماي ستانسالارىنا ەلەكتروندى بيرجاعا كىرۋگە مۇمكىنىدىك بەرەدى. وسىلايشا ەشبىر دەلدالسىز, قاجەتتى كقلەمدى تىكەلە ساتىپ الادى. مامىر ايىندا بيرجادا ساتۋ قايتا جاندانادى», دەدى اسەت ماعاۋوۆ.