بۇرىنعى دەنساۋلىق ساقتاۋ ءمينيسترى ەلجان ءبىرتانوۆ پەن بۇرىنعى دەنساۋلىق ساقتاۋ ۆيتسە-ءمينيسترى ولجاس ابىشەۆتىڭ قىلمىستىق ءىسى سارىارقا اۋداندىق №2 سوتىنىڭ قاراۋىنا ءتۇستى, دەپ حابارلايدى Egemen.kz.
«سارىارقا اۋدانىنىڭ №2 اۋداندىق سوتىندا ە.ا. بىرتانوۆقا, و.ا. ابىشەۆكە قاتىستى قىلمىستىق ءىس وندىرىسكە قابىلداندى. قىلمىستىق ءىس بويىنشا الدىن الا تىڭداۋ 11 مامىرعا ساعات 10.00-گە بەلگىلەندى», دەدى سوتتىڭ ءباسپاسوز حاتشىسى بوتاگوز بايانوۆا.
ەسكە سالايىق, 2020 جىلدىڭ 25 ماۋسىمىندا ەلجان ءبىرتانوۆ دەنساۋلىق ساقتاۋ ءمينيسترى قىزمەتىنەن بوساتىلدى. دەنساۋلىق ساقتاۋ مينيسترلىگىنىڭ بۇرىنعى باسشىسى ەلجان ءبىرتانوۆ 2020 جىلدىڭ قاراشاسىنان بەرى ۇيقاماقتا وتىر.
بۇرىنعى مينيستر ەلجان ءبىرتانوۆ پەن بۇرىنعى ۆيتسە-مينيستر ولجاس ابىشەۆ دەنساۋلىق ساقتاۋ مينيسترلىگىنىڭ جۇمىس ىستەمەيتىن اقپاراتتاندىرۋ پلاتفورماسىن قابىلداپ, ىسكە قوسۋ ارقىلى قىزمەت بابىن اسىرا پايدالاندى دەگەن كۇدىككە ءىلىندى. ادۆوكاتتىڭ ايتۋىنشا, قۇقىق قورعاۋ ورگاندارى ءىس بويىنشا باپتى قايتا سارالاعان.