قىزىلوردادا 56 جاستاعى ەر ادام سىرداريا وزەنىنە باتىپ كەتتى, دەپ حابارلايدى Egemen.kz.
وقىس وقيعا 9 مامىردا قىزىلوردا قالاسىنان 40 شاقىرىمداي قاشىقتىقتا ورنالاسقان كوكجيدە ستانساسى اۋماعىندا بولعان.
كىرپىش زاۋىتىندا جۇمىس ىستەيتىن 1966 جىلعى ازاماتتىڭ سىردارياعا باتىپ كەتكەنى جونىندە حابار ساعات 16:40 شاماسىندا تۇسكەن.
«وقيعا ورنىنا جەدەل قۇتقارۋ جاساعىنان 6 قىزمەتكەر 1 تەحنيكا جانە 1 موتورلى قايىقپەن باردى. قۇتقارۋشىلار تاراپىنان ىزدەستىرۋ جۇمىستارى باستالدى. ول 9 مامىردا 20:00 شاماسىندا توقتاتىلىپ, بۇگىن 10 مامىردا 7:30 شاماسىندا قايتا جالعاستى. ونىڭ ءمايىتى 14:00 شاماسىندا باتقان جەرىنەن 20-25 مەتردەي قاشىقتىقتا تابىلدى», دەپ ءمالىم ەتتى وبلىستىق توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ قىزمەتىنىڭ ءباسپاسوز حاتشىسى ءاليا ەرەجەپوۆا.
ايانا توعانبەك