بۇگىن نۇر-سۇلتان قالاسىنداعى Demalys Promenade الاڭىندا وتان قورعاۋشىلار كۇنىنە ارنالعان جەڭىل اتلەتيكادان ەستافەتا ءوتتى. وعان 600 -گە جۋىق جالپى ءبىلىم بەرەتىن مەكتەپ وقۋشىلارى مەن ورتا جانە جوعارعى ستۋدەنتتەر قاتىستى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
نۇر-سۇلتان قالاسى دەنە شىنىقتىرۋ جانە سپورت باسقارماسىنىڭ باسشىسى سامات جىلقىباەۆتىڭ سوزىنشە, ءداستۇرلى تۇردە وتەتىن بۇل جارىستىڭ قاتىسىشۋلارى جىل ساناپ كوبەيىپ جاتىر.
«الدىمەن وزدەرىڭىزدى كەلىپ جەتكەن 7 مامىر وتان قورعاۋشىلار كۇنىمەن جانە الداعى 9 مامىر ۇوس جەڭىس كۇنىمەن شىن جۇرەكتەن قۇتتىقتايمىن! بارلىعىمىزدىڭ مەرەيىمىزدى ۇستەم ەتەتىن, ەلىمىزدىڭ ايبىنىن اسقاقتاتار ەر-ازاماتتارىمىزدىڭ مەرەكەسى. وتان قورعاۋشىلار كۇنىنە جانە «ۇوس جەڭىس كۇنىنە» ارنالعان جەڭىل اتلەتيكالىق ەستافەتا جارىسىنا 600 -گە جۋىق جالپى ءبىلىم بەرەتىن مەكتەپ وقۋشىلارى مەن ورتا جانە جوعارعى ستۋدەنتتەر قاتىسىپ جاتىر. جىل سايىن ءداستۇرلى تۇردە وتكىزىلىپ كەلە جاتقان جارىستىڭ جىلدان-جىلعا مارتەبەسى ارتىپ, قاتىسۋشىلار سانىنىڭ كوبەيۋى وتە جاقسى جەتىستىك», دەدى س. جىلقىباەۆ.
ونىڭ ايتۋىنشا, مەملەكەت باسشىسى قاسىم-جومارت توقاەۆ 2022 جىلدى «بالالار جىلى» دەپ جاريالادى. وسى تۇرعىدا پرەزيدەنتىمىزدىڭ, قازاقستان حالقىنا جولداۋىن جۇزەگە اسىرۋ, بىرقاتار بۇقارالىق سپورتتى دامىتۋ ماقساتىندا, بالالار جىل اياسىندا وسىنداي جارىستار ۇيىمداستىرىلىپ جاتىر.
«ەلىمىزدىڭ وركەندەۋ جولىندا اتقارىپ جاتقان يگى قىزمەتتەرىڭىزگە تاۋسىلماس باقىت, مول ىرىزدىق, وتباسىلارىڭىزعا اماندىق, دەندەرىڭىزگە ساۋلىق تىلەيمىن! دەنى ساۋ ۇرپاق – ەل بولاشاعى! سوندىقتان سالاۋاتتى ءومىر سالتىن بىرگە قالىپتاستىرايىق!», – دەدى ول.
ەستافەتا قاتىسۋشىلارى 14 كەزەڭنەن تۇراتىن جالپى قاشىقتىعى 5 335 م باعىندىرادى. ايتا كەتۋ كەرەك, جارىس ەلورداداعى جەڭىس داڭعىلى مەن بيگەلدينوۆ كوشەسىنىڭ قيىلىسىنان سورەنى (ستارت) باستايدى (مين.فين) – ءاليا مولداعۇلوۆا كوشەسىمەن – بەيبىتشىلىك كوشەسىنەن – وتىرار كوشەسىنە دەيىن جۇگىرىپ وتەدى.
ء«بىرىنشى كەزەڭنەن باستاپ ءبىزدىڭ ۋنيۆەرسيتەتتىڭ ستۋدەنتتەرى ءار كەزەڭ سايىن ءبىرىنشى جەتىپ وتىردىق, مىنە وزدەرىڭىز كورگەندەي ەڭ سوڭعى 14 كەزەڭدەدە 4 جوو اراسىندا دا ءبىرىنشى بولىپ مارەگە جەتتىك. بۇل ەستافەتا جارىسىنا ءبىز 1 جەتى بۇرىن بارىمىزدى سالىپ دايىندالدىق. ءبىزدىڭ ۋنيۆەرسيتەت جىل سايىن وسى جارىستا جۇلدەلى ورىندارعا يە بولادى. مىنە سول ءداستۇردى ءبىز جالعاستىرىپ ءبىرىنشى بولىپ مارەگە كەلدىك. مەن ءوز باسىم وتە قۋانىشتىمىن. دەنە شىنىقتىرۋ ءپانىنىڭ اعايىنا العىسىمدى ايتقىمىز كەلەدى», – دەدى استانا حالىقارالىق ۋنيۆەرسيتەتىنىڭ ستۋدەنتى, ەستافەتاعا قاتىسۋشى ءايشابيبى ايتباي.
ايتا كەتەيىك, اتالعان جارىستىڭ ماقساتى – قر پرەزيدەنتىنىڭ قازاقستان حالقىنا جولداۋىن جۇزەگە اسىرۋ, سونىمەن قاتار, جالپى ءبىلىم بەرەتىن مەكتەپ وقۋشىلارى, واوو جانە جوو ستۋدەنتتەرى اراسىندا سالاۋاتتى ءومىر سالتىن ناسيحاتتاۋ, بۇقارالىق سپورت ءىس-شارالارىن دامىتۋ بولىپ تابىلادى. جارىستا جۇلدەلى ورىندارعا يە بولعان جەڭىمپازدار مەدالدارمەن, كوماندالىق كۋبوكتارمەن جانە ديپلومدارمەن ماراپاتتالدى.