بيىلعى جىلدىڭ ءساۋىر ايىندا ەلوردالىقتار 5,6 ملرد تەڭگەگە جۋىق جارنا اۋدارعان, دەپ حابارلايدى Egemen.kz «الەۋمەتتىك مەديتسينالىق ساقتاندىرۋ قورى» كەاق نۇر-سۇلتان قالاسى بويىنشا فيليالىنىڭ ءباسپاسوز قىزمەتىنە سىلتەمە جاساپ.
«جالپى 2017 جىلدىڭ 1 شىلدەسى مەن 2022 جىلدىڭ 29 ءساۋىرى ارالىعىندا نۇر-سۇلتان قالاسى بويىنشا مەديتسينالىق ساقتاندىرۋ ءۇشىن جيناقتالعان جارنا 120,4 ملرد تەڭگەگە جۋىق» – دەپ حابارلايدى الەۋمەتتىك مەديتسينالىق ساقتاندىرۋ قورىنىڭ ەلوردا فيليالىنىڭ ءباسپاسوز قىزمەتى.
«نۇر-سۇلتان قالاسى بويىنشا وسى جىلدىڭ ءساۋىر ايىندا 5,6 ملرد تەڭگەگە جۋىق جارنا ءتۇستى. ونىڭ 3,2 ملرد تەڭگەگە جۋىعى – جۇمىس بەرۋشىلەردىڭ اۋدارىمدارى, ال جەكە كاسىپكەرلەردەن تۇسكەن جارنا – 2,4 ملرد تەڭگە. ال 2022 جىلدىڭ قاڭتار-ءساۋىر ايلارى ارالىعىندا مەديتسينالىق ساقتاندىرۋ ءۇشىن ەلوردالىقتار 19,7 ملرد تەڭگەدەن اسا جارنا اۋدارعان, ونىڭ 10,8 ملرد تەڭگەگە جۋىعى جۇمىس بەرۋشىلەردىڭ اۋدارىمدارى, ال جەكە كاسىپكەرلەردەن تۇسكەن جارنا – 8,9 ملرد تەڭگە.
2022 جىلدىڭ قاڭتار-ءساۋىر ايلارى ارالىعىندا 11 941 بىرىڭعاي جيىنتىق تولەم (بجت) تولەۋشىلەردەن تۇسكەن ءمامس جارنالارى 43,4 ملن. تەڭگەگە جۋىق سومانى قۇرايدى, ال وسى جىلدىڭ ءساۋىر ايىندا 8137 بجت تولەۋشىلەردەن 10,8 ملن.تەڭگە تۇسكەن»,-دەلىنگەن حابارلامادا.