سەنبىدە رەسەي فەدەراتسياسى قورعانىس مينيسترلىگى قازاقستان قارۋلى كۇشتەرىنىڭ مەملەكەتتىك اسكەري-تاريحي مۇراجايىنا مۇراعات قۇجاتتارىنىڭ كوشىرمەسىن تابىستادى, دەپ حابارلايدى Egemen.kz.
«بۇل ماتەريالدار لەيتەنانت راقىمجان قوشقارباەۆ پەن قاتارداعى گريگوري بۋلاتوۆتىڭ ەرلىگىنىڭ دالەلى. ولار 1945 جىلى 30 ساۋىردە ءبىرىنشى بولىپ رەيحستاگقا جەڭىستىڭ قىزىل تۋىن تىكتى», دەلىنگەن ەلشىلىك حابارلاماسىندا.
تاۋەلسىز قازاقستاندىق جۋرناليست اقمارال باتالوۆانىڭ ارقاسىندا قۇجاتتار تابىلىپ, كىتاپ بولىپ باسىلىپ شىقتى.
سالتاناتتى شاراعا رەسەيدىڭ قازاقستانداعى ەلشىسى الەكسەي بوروداۆكين, قازاقستان قارۋلى كۇشتەرى باس شتابى باستىعىنىڭ ورىنباسارى گەنەرال-مايور سەرىك بورامباەۆ, نۇر-سۇلتانداعى رۋسسكي دوم قىزمەتكەرلەرى قاتىستى.
ءىس-شارا قازاقستاندا ۇلى جەڭىستىڭ 77 جىلدىعىن مەرەكەلەۋ باعدارلاماسىنىڭ ماڭىزدى بولىگى, دەپ قوستى ەلشىلىكتە.