مەكسيكالىق ساۋل كانەلو الۆارەس (57-1-2, 39 KO) پەن جەڭىل سالماقتاعى WBA Super تيتۋلىنىڭ يەگەرى رەسەيلىك دميتري بيۆول (19-0, 11 كو) لاس-ۆەگاستاعى جەكپە-جەك الدىندا سالماق ولشەۋ راسىمىنەن ءوتتى, دەپ حابارلايدى Egemen.kz Vesti.kz-كە سىلتەمە جاساپ.
بيۆول 79,2 كەلى كورسەتتى. الۆارەستىڭ سالماعى ازداۋ بولدى - 79,1 كيلوگرامم. ولار جەڭىل سالماق شەگىنە جەتتى (79,4 كيلوگرامعا دەيىن).
ەسكە سالايىق, ولاردىڭ جەكپە-جەگى قازاقستان ۋاقىتىمەن 8 مامىردا لاس-ۆەگاستا (نەۆادا شتاتى, اقش) وتەدى.
كانەلو جەڭىسكە جەتسا, گولوۆكينمەن ءۇشىنشى جەكپە-جەك وتكىزۋ مۇمكىندىگى تۋادى.
ايتا كەتەيىك, كانەلو مەن گولوۆكين 2017-2018 جىلدارى كەزدەسكەن بولاتىن. العاشىندا كىم كۇشتى ەكەنى انىقتالمادى, ال ەكىنشىسىندە مەكسيكالىق جەڭىمپاز اتاندى.