پەتروپاۆل جوعارى قۇرىلىس-ەكونوميكالىق كوللەدجى اۋماعىنان 19 جاستاعى ستۋدەنتتىڭ ءمايىتى تابىلدى, دەپ حابارلايدى Egemen.kz سولتۇستىك قازاقستان وبلىسى پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
«وقيعا ورنىنا پوليتسەيلەر باردى. ءوز-وزىنە قول جۇمساۋ دەرەگى قر قىلمىستىق كودەكسىنىڭ 105-بابى بويىنشا سوتالدى تەرگەپ-تەكسەرۋدىڭ بىرىڭعاي تىزىلىمىنە تىركەلدى. ساراپتاما تاعايىندالدى», دەلىنگەن حابارلامادا.
قايتىس بولعان جىگىتتىڭ گرۋپپالاستارى ونىڭ قانداي ادام بولعانىن ايتتى.
«كوپ نارسە ايتا المايمىن, ويتكەنى ول ساباققا قاتىسپايتىن ەدى. بىراق وتە كوڭىلدى بولاتىن. ارقاشان بارىمەن سويلەسۋگە تىرىساتىن ەدى. ءتىپتى جاتاقحاناعا كوشىپ كەلدى, وندا دا كوڭىلدى جۇرەتىن ەدى. العاشىندا ونى دورەكى دەپ ويلادىق, ول ءوزىن سولاي ۇستادى, بىراق كەيىن ءبارىمىز دوستاسىپ كەتتىك. جاقسى جىگىت ەدى», دەدى ءبىر توپتا ءبىلىم الاتىن ستۋدەنتتەردىڭ ءبىرى.