الەۋمەتتىك جەلىدە ەگدە جاستاعى ايەلدى سوققىعا جىققان ەر ادام تۋرالى ۆيدەو تاراعان بولاتىن. الماتى قالاسى الاتاۋ اۋدانىنىڭ پروكۋراتۋراسى كۇدىكتى ۇستالىپ, پوليتسيا بولىمشەسىنە جەتكىزىلگەنىن ءمالىم ەتتى, دەپ حابارلايدى Egemen.kz.
«الاتاۋ اۋدانىنىڭ پوليتسيا باسقارماسىنىڭ قىزمەتكەرلەرىمەن ارنايى شارالار جۇرگىزۋ بارىسىندا كۇدىكتىنىڭ كىم ەكەنى انىقتالىپ, اتالعان تۇلعا پوليتسيا باسقارماسىنا جەتكىزىلدى. قازىرگى تاڭدا اتالعان تۇلعامەن ارنايى تەرگەۋ ارەكەتتەرى جۇرگىزىلۋدە. ونىڭ ارەكەتىنە ءتيىستى جانە زاڭدى پروتسەسسۋالدى شەشىم قابىلدانادى», دەپ حابارلادى الاتاۋ اۋدانىنىڭ پروكۋراتۋراسى.
ۆەدومستۆو مالىمەتىنشە, 74 جاستاعى ايەلدى ءوزىنىڭ 50 جاستاعى ۇلى ۇرعان.
«الاتاۋ اۋدانىنىڭ پوليتسيا باسقارماسى 1972 جىلى تۋعان س.ا.ۆ.-عا قاتىستى ءوزىنىڭ 1948 جىلى تۋعان س.ن.ي. اناسىنا اسا قاتىگەزدىكپەن, بۇزاقىلىق نيەتپەن دەنساۋلىعىنا قاساقانا اۋىرلىعى ورتاشا زيان كەلتىرۋ دەرەگى بويىنشا تەرگەۋ جۇرگىزىپ جاتىر. قازىرگى تاڭدا جابىرلەنۋشىگە قاتىستى سوت-مەديتسينالىق ساراپتاما تاعايىندالدى. قىلمىستى تەرگەۋ بارىسى پروكۋروردىڭ جەكە باقىلاۋىندا», دەپ حابارلادى پروكۋراتۋرادان.