الماتى وبلىسىنىڭ ىلە اۋدانىندا كارتينگتە 10 جاستاعى بالا قازا بولدى, دەپ حابارلايدى Egemen.kz.
الماتى وبلىسى پد ءباسپاسوز قىزمەتىنىڭ حابارىنا قاراعاندا, الدىن الا مالىمەت بويىنشا, بالا كارتينگتى باسقارىپ كەلە جاتىپ, پلاستماسسادان جاسالعان قورشاۋ بلوكتارىن بۇزىپ ءوتىپ, سول جەردە تۇرعان گاز-53 سۋ تاسىعىشىمەن سوقتىعىسقان.
«كۋاگەرلەردىڭ ايتۋىنشا, كارتينگ ايەل باسقارعان باسقا كارتينگتىڭ سوققىسىنان ينەرتسيا ارقىلى قورشاۋدان شىعىپ كەتكەن», دەدى پوليتسەيلەر.
وقيعا ورنىندا ىلە اۋداندىق پوليتسياسىنىڭ جەدەل تەرگەۋ توبى جۇمىس ىستەپ جاتىر. ءتارتىپ ساقشىلارى قايعىلى وقيعانىڭ ءمان-جايىن انىقتاپ جاتىر.