قازاقستان ۇلتتىق بانكى 3 مامىردان باستاپ «ەستە قالاتىن وقيعالار مەن ءبىرتۋار ادامدار» مونەتالار سەرياسىنان SEMEI IADROLYQ POLIGONYNYŃ JABYLǴANYNA 30 JYL كوللەكتسيالىق مونەتاسى ساتىلىمعا شىعاتىنىن ءمالىم ەتتى, دەپ حابارلايدى Egemen.kz.
مونەتا kazcoins.nationalbank.kz پلاتفورماسىندا بانكتىڭ ينتەرنەت-دۇكەنى ارقىلى ساتىلادى. 30 جىل بۇرىن تاۋەلسىز قازاقستان تاريحىندا تاريحي شەشىم قابىلداندى – 1991 جىلى 29 تامىزدا سەمەي يادرولىق پوليگونى جابىلدى.
SEMEI IADROLYQ POLIGONYNYŃ JABYLǴANYNA. 30 JYL مونەتالارىنىڭ رەۆەرسىندە ەكى بولىكتەن تۇراتىن يادرولىق جارىلىس تۇرىندە بەينەلەر كورىنىس تاپقان.
سول جاق بولىگى يادرولىق سىناقتاردىڭ تاريحىن, ۇزىلگەن ءومىر مەن شىرعالاڭ تاعدىردى بەينەلەيتىن جارىقشاقتار تۇرىندە بەرىلگەن. وڭ جاعىنان – زارداپ شەككەن تابيعاتتى بىلدىرەتىن قۋراعان اعاشتىڭ بەينەسىن كورۋگە بولادى. قۋراپ قالعان اعاش بۇتاعىنداعى جاسىل جاپىراقتىڭ بەينەسى – جاندانۋ مەن قىلاڭ بەرگەن ءۇمىتتىڭ بەلگىسى.
مونەتالار 925/1000 سىنامادا كۇمىستەن ەمال جاعۋ تەحنولوگياسىمەن دايىندالعان.
ماسساسى – 31,1 گرامم, proof دايىنداۋ ساپاسى بار.
نومينالى 500 تەڭگەلىك, تارالىمى – 5000 دانا جانە نەيزيلبەر قوسپاسىنان ماسساسى 11,17 گرامم, uncirculated ساپاسىمەن, نومينالى 100 تەڭگەلىك, تارالىمى – 100 000 دانا.