اقمولا وبلىسىنىڭ تۇرعىنى شولاق مىلتىقتىڭ 8 وق-ءدارىسى مەن گراناتاعا ۇقساس زاتتى پوليتسياعا تاپسىردى, دەپ حابارلايدى Egemen.kz.
وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, بيىلعى جىلعى ءساۋىردىڭ 25-نەن باستاپ اقمولا وبلىسى اۋماعىندا تۇرعىنداردان تىركەلمەگەن قارۋدى, وق-دارىلەردى جانە جارىلعىش زاتتاردى ساتىپ الۋ بويىنشا كەڭ اۋقىمدى اكتسيا ءوتىپ جاتىر. اكتسيا بارىسىندا اقمولالىقتار پوليتسياعا 3 ميلليون 600 مىڭ تەڭگەگە 62 قارۋ تاپسىردى.
«اكتسيانىڭ العاشقى كۇنى اتباسار اۋدانىنىڭ پوليتسيا بولىمىنە جەرگىلىكتى تۇرعىن ءوز ەركىمەن شولاق مىلتىقتىڭ 8 وق-ءدارىسى مەن گراناتاعا ۇقساس زاتتى تاپسىردى. ايەلدىڭ ايتۋىنشا, ول «گراناتانى» ءوزىنىڭ جەر ۋچاسكەسىنەن توپىراق وڭدەۋ كەزىندە تاۋىپ العان. اكتسيا ءوتىپ جاتقاندىعىن ەستىپ, تابىلعان زاتتى پوليتسياعا تاپسىرۋدى ءجون دەپ شەشكەن. تاپسىرىلعان زات ءتيىستى ساراپتاماعا جىبەرىلدى», دەدى ۆەدومستۆودان.
ەسكە سالا كەتسەك, اقمولا وبلىسىندا جۇمىسشى باستىعىن بالتالاپ ولتىرگەنىن جازعان ەدىك .
ايانا توعانبەك