بۇگىن, 11 ءساۋىر كۇنى قازاقستان فۋتبول فەدەراتسياسىنىڭ باس حاتشىسى بولىپ اللەن ءشايجۇنىسوۆ تاعايىندالدى. بۇل تۋرالى Vesti.kz حابارلادى.
بۇعان دەيىن سايان حاميتجانوۆ اتالمىش قىزمەتتى 2008 جىلعى 21 ناۋرىزدان بەرى اتقارىپ كەلدى. ول 2012 جىلعى 30 مامىردان فەدەراتسيانىڭ ءبىرىنشى ۆيتسە-پرەزيدەنتى بولىپ تا تاعايىندالدى. ال 2013 جىلدان قۇرامالار كوماندالار جونىندەگى كوميتەتتى باسقاردى.
فۋتبول فەدەراتسياسىنىڭ اتقارۋشى ديرەكتورى ولجاس ابراەۆ ءوزىنىڭ تۆيتتەرىندە: «قازاقستان فۋتبول فەدەراتسياسى ءبىرىنشى ۆيتسە-پرەزيدەنت جانە باس حاتشى س.ج.حاميتجانوۆتىڭ وتستاۆكاسىن قابىل الدى», - دەپ جازدى.
«قازاقستان فۋتبول فەدەراتسياسىنىڭ باس حاتشىسى بولىپ ءشايجۇنىسوۆ اللەن سەرجان ۇلى تاعايىندالدى», -دەدى ول سوسىن.
ەسكە سالا كەتەيىك, سايان حاميتجانوۆ بۇل قىزمەتتەن كەتەتىنىن 2013 جىلعى تامىزدا العاش مالىمدەگەن ەدى.
دامير قوجامقۇل.
دەرەككوز: Vesti.kz
فوتو: astanafans.com.