مەملەكەت باسشىسى قاسىم-جومارت توقاەۆ كوپۇلتتى مەملەكەتتەردە ۇلتتىق بىرلىكتى ساقتاۋدىڭ وتە ماڭىزدى ەكەنىن ايتتى, دەپ حابارلايدى Egemen.kz.
«مەملەكەتتىك ءتىل – قازاق ءتىلى, ءسىز دە وسىنى ەستەن شىعارماڭىز, قازاق ءتىلىنىڭ مارتەبەسىن نىعايتۋعا, بىراق باسقا تىلدەردى كەمسىتپەۋگە جانە زيان كەلتىرمەۋگە شارالار قولدانۋىڭىز كەرەك. بۇل باسقا تىلدەردە سويلەيتىن ادامدار مەن ازاماتتارعا دا قاتىستى ايتىلعان», دەدى قاسىم-جومارت توقاەۆ.
قاسىم-جومارت توقاەۆ مەملەكەتتەردە, اسىرەسە كوپۇلتتى مەملەكەتتەردە ۇلتتىق بىرلىكتى ساقتاۋدىڭ وتە ماڭىزدى ەكەنىن اتاپ ءوتتى.
«تىلگە قاتىستى كەمسىتۋشىلىككە جول جوق. بۇل سۇراققا كونستيتۋتسيا ناقتى جاۋاپ بەرەدى. ەلىمىزدىڭ مەملەكەتتىك ءتىلى – قازاق ءتىلى, بىراق ورىس ءتىلى دە ەلىمىزدىڭ كونستيتۋتسياسىندا لايىقتى ورىن الادى. ەندەشە وسىدان باستايىق», دەدى مەملەكەت باسشىسى.