اقمولا وبلىسى اتباسار اۋدانىنىڭ جەر قاتىناستارى ءبولىمىنىڭ باسشىسى جەر تەلىمىن ساۋداعا سالىپ, پارا الىپ جاتقان جەرىندە قولعا ءتۇستى. بۇل تۋرالى «حابار» تەلەارناسى حابارلادى.
بەلگىلى بولعانداي, مارينوۆكا اۋىلىنىڭ كاسىپكەرى ءوزىنىڭ شارۋاسىن ودان ءارى دامىتۋ ماقساتىندا اۋداندىق جەر قاتىناستارى ءبولىمىنىڭ باسشىسىنان جەر سۇراعان. شەنەۋنىك بۇل ماسەلەنى تەز ارادا شەشىپ بەرۋ ءۇشىن كاسىپكەردەن 1 ملن. تەڭگە تالاپ ەتەدى. اقىرى ول كەلىسىلگەن مەرزىمدە كاسىپكەردەن اقشانى الۋ ساتىندە قارجى پوليتسياسى قىزمەتكەرلەرىنىڭ قولىنا ءتۇستى.
«اتباسار اۋداندىق جەر قاتىناستارى ءبولىمىنىڭ باسشىسىنا قاتىستى قىلمىستىق كودەكستىڭ 311-بابى 4-تارماعى بويىنشا ءىس قوزعالدى. ول ءوز كىناسىن مويىندادى. قازىر قىلمىستىق ءىس اتباسار اۋداندىق سوتىنا جىبەرىلدى»,-دەيدى اقمولا وبلىستىق قارجى پوليتسياسى تەرگەۋ ءبولىمىنىڭ باسشىسى اسىلحان وتەپوۆ.
ءامىرحان الماعانبەتوۆ.
دەرەككوز: «حابار» تەلەارناسى.
فوتو: www. Caravan.kz.