بۇل وتكەن جىلدىڭ سايكەس كەزەڭىمەن سالىستىرعاندا 7,7% ارتىق, دەپ حابارلايدى Egemen.kz يدم ءباسپاسوز قىزمەتىنە سىلتەمە جاساپ.
وندىرىلگەن كومىردىڭ 16,7 ملن تونناسى ەنەرگەتيكالىق كومپانيالارعا, 2,2 ملن تونناسى ونەركاسىپتىك كاسىپورىندارعا جونەلتىلدى. كوممۋنالدىق-تۇرمىستىق قاجەتتىلىكتەرگە جانە حالىققا 2,4 ملن توننا كومىر تيەلدى. كومىر ەكسپورتى 8,6 ملن توننانى قۇرادى.
وبلىستار مەن قالالار اكىمدىكتەرىنىڭ دەرەكتەرى نەگىزىندە, قر يندۋستريا جانە ينفراقۇرىلىمدىق دامۋ مينيسترلىگى, 2021-2022 جىلدارعا ارنالعان كوممۋنالدىق-تۇرمىستىق قاجەتتىلىكتەر مەن تۇرعىندار ءۇشىن كومىر ونىمدەرىنىڭ قاجەتتىلىك جوسپارىن قالىپتاستىرعان.
جوسپارعا سايكەس, وسى كەزەڭدە تۇتىنۋ كولەمى 9,336 ملن توننانى قۇراۋى ءتيىس (كوممۋنالدىق-تۇرمىستىق سەكتورعا – شامامەن 3 ملن, حالىق ءۇشىن-6,3 ملن توننا). جەرگىلىكتى اتقارۋشى ورگانداردىڭ مالىمەتتەرى بويىنشا, وڭىرلەردەن 9,338 ملن توننا كومىر اكەلىندى. ياعني, جوسپارلانعان كولەمنىڭ 100% - ى.
كەلەسى جىلىتۋ ماۋسىمىنا دايىندىق ءۇشىن مينيسترلىك 2022-2023 جىلدارعا ارنالعان ۇقساس جوسپاردى ازىرلەدى. قۇجات بارلىق وبلىستاردىڭ جانە نۇر-سۇلتان, الماتى, شىمكەنت قالالارىنىڭ اكىمدىكتەرىنە جىبەرىلدى.
ايانا توعانبەك